Home General Minister Otmar Oduber A Tuma Paso Legal Contra Rudy Lampe

Minister Otmar Oduber A Tuma Paso Legal Contra Rudy Lampe

0
0
SHARE
- Advertisement -

ORANJESTAD (AAN):  Rudy Lampe lider di RED a saca un carta pa Richard Gere atachando nomber di minister Otmar Oduber. E carta aki ta dañino pa nomber di Aruba.

   E mandatario a tuma paso legal contra e lider politico Rudy Lampe. Pasonan legal a worde tuma door di minister Otmar Oduber pa loke ta e carta di Rudy Lampe.

   Den entrevista cu DIARIO e mandatario a laga sa cu e tin cu laga Rudy Lampe pa loke e ta. Semper cu Rudy Lampe tabata activo tabata pa destrui cosnan bon cu ta tuma lugar.  “Pesey el a fracasa como Pastor, pesey el a fracasa como politico”.

   Pa loke ta trata su reaccion cual Lampe a publica den un corant, a bisa cu el a pone e caso den man di su abogado. Lampe por bay deal awor cu abogado di Minister Oduber pa loke ta e palabranan di difamacion cu el a dirigi den direccion di su persona.

   Rudy Lampe ta obsesiona cu daña nomber di Aruba cu loke a haci y na momento cu tin mas di 40 representante di prensa internacional na Aruba caminda cu un actor di renombre y cu ta hala atencion asina grandi manera Richard Gere na un evento asina bunita organiza door di un propio yiu di tera, a expresa.

  E unico contribucion cu Rudy Lampe por tabata tin ta kibra Aruba y pone atrobe den un luz negativo.  “Pueblo di Aruba sa ken ta Rudy Lampe. Iglesia Catolico sa ken ta Rudy Lampe y politica di Aruba conoce ken ta Rudy Lampe.

 E caso aki ta den man di abogado na e momentonan aki y tipo di elementonan manera Rudy Lampe ta yega momento di bisa ta basta, e mandatario a declara.  

   

- Advertisement -

DUNA COMENTARIO

Please enter your comment!
Please enter your name here