Muher pata pata drumi den auto den madruga
ORANJESTAD (AAN): Un hende muher cu curpa basta cansa, esta bao di influencia, a worde señala drumi den un auto na haltura di un station di gasolin. Corectamente esnan cu a tuma nota di e situacion a reporta esaki na central di polis. Tabata diahuebs tres or di marduga e informe a yega na oido di central di polis y mesora a dirigi patruya pa atende e asistencia. E patruya cu a presenta a topa cu un auto color preto staciona y a constata cu bentana di chofer tabata habri y tras di wiel tin un hende muher morto na soño y tabata hole fuertemente na alcohol.
Agentenan a pasa trabao pa por a lanta e muher for di su soño profundo pero nan a logra.
Ora a puntre su status, e muher no kier a duna nomber y el a sera e bentana y a lock e porta y a sigui drumi.
Polis a sigui bati na e bentana pa basta rato y e muher a habri porta y a expresa cu e no a haci nada malo y e tin derecho.
Pa su seguridad pa seguridad di otronan polis a detene y nan a hibe warda di Oranjestad.
Despues di haya sa su identidad, comandante a instrui e patruya pa baha e muher sano y salvo na su cas. E auto si a keda staciona na e lugar.
