Muhera haya su homber cu otro muher den auto
ORANJESTAD.(AAN); Diasabra mainta trempan pa 6’or y 30, patruya di Noord a wordo dirigi pa un cas situa na Altovista. Ta trata segun e asistencia solicita di un problema entre pareha.
Parce cu homber no kier a habri porta pa señora drenta cas. Mientras polis tabata na e direccion e yiu homber a dicidi di habri porta pa asina mama por a drenta . E señora a splica polis cu e homber a maltrate y tambe e homber a destrui windshield di su auto. Pero e no ta desea di entrega keho contra su homber.
Polis a move for di e direccion ora cu a nota cu e situacion lo a calma. Lo a surgi mas problema ya cu despues di un ora polis a bolbe presenta na e mesun direccion.
Polis a papia cu e señora di inicialnan M.D. di 26 aña cu a bisa e agentenan mas trempan tabata tin agentenan a bin intermedia y cu e homber naci na Boneiro di inicialnan M.T. di 23 aña a maltrate y destrui su auto.
Motibo cu e homber a comete e acto, ta debi cu e señora lo a gara M.T. cu otro muher den auto.
Consecuentemente e señora a bisa e homber boneirano cu cos a caba.
Aki e homber a bira razo, maltrate y destrui e auto y pa colmo riba dje e homber ta burachi.
Tambe e señora a bisa polis cu e homber tin den su poder su celular. Awor señora a dicidi di entrega keho contra di M.T.
Polis avisa e señora pa mihor laga e homber sigui drumi y e mes bay poli pa e wordo atendi pa dokter y cu e recorte medico e pasa na despacho di recherche y entrega denuncia oficial. Y polis a dicidi cu mas despues nan lo pasa atende M.T. na idioma di husticia.
Curazon
E amor ta grandi cu elo pordona tur sla cu ela hanja…hahaha. Te otro weekend atrobe sra. sigi come sla. Tene respet na bo mes y bo valor como hende muhe. Tin mas pisca den awa. Ta KK di homber esey . Laga nan dal su mama waak si eta aplaudi y sintiele homber ainda.