Diario Online

Ningun hende kier papia di tiro fatal

Publication: Wednesday, 30 June 2010. Categoria: Policial

ORANJESTAD.(AAN); Keto bay recherche ta buscando e lugar na unda un ciudadano tragicamente a perde su bida. Manera a wordo publica di e caso tragico na unda un hoben a perde su bida pa medio di bala cayente cu a perfora su frente cu resultado fatal. Ta asina cu dialuna anochi, e ora exacto no ta cla pa autoridad y tampoco na unda e accidente fatal a tuma lugar e victima Francis Gomez a wordo transporta pa hospital cu herida na cabez , den un vehiculo modelo B.M.W. Pero na poli nada no por a hasi mas pa Francis ya cu practicamente e lo a yega morto na poli.
Dr. Borsukiewicz a constata morto di Frances. Tanto e curpa sin bida di Francis y e vehiculo BMW den cual el a wordo transporta a keda confisca riba orden di fiscal.

Mientras tanto su amigo Jairo J.M. Roos di 22 tambe a keda deteni riba orden di Ministerio Publico relaciona cu e caso tragico.

Interogacion ta importante pero lo tin problema pa autoridad haya e berdad ya cu ni amigonan tampoco famia no kier bisa nada.

Hasta den bario di Jan Fleming ningun hende no kier comenta. Rumornan ta bisa cu tabata hasi e arma limpi , otro informe ta indica cu wega tabata wordo hasi, pero un cos ta sigur, e arma di candela ta keda un obheto peligroso.

Ta varios persona a perde nan bida pa motibo di sea tin un pistol of revolver ilegal den nan poder.
Y den e caso tragico y specifico aki na unda Francis a perde su bida e so por a bisa kico a sosode .
Manera ta conoci “Deadman don’t Talk”, pesey tambe autoridad ta suplica ciudadanonan y amigonan ademas famia cu lo por asa algo, pa nan yama libermente despacho di recherche na Santa Cruz na 5272900 dunando bo cooperacion pa trese claridad di e morto tragico di Francis Gomez.

Un hoben cu a nace riba 14 di maart 1988 y tabata biba na Jan Fleming 12 A.
Ademas tipline ta disponible yamando 11141 y bo ta keda anonimo.