Home Editorial PABIEN ARUBA! PABIEN MIKE Y MIKE! PABIEN AVP!

PABIEN ARUBA! PABIEN MIKE Y MIKE! PABIEN AVP!

0
1
SHARE
- Advertisement -

jossy_mansur_pic                Tur hende di buena fe cu a scucha e noticia cu e refineria ta bay dal su portanan habri atrobe, a keda contento cu e participacion. E no tabata un acto di suerte sino e resultado di un labor intenso di e dos Mikenan, Eman y De Meza, acompaña y respalda pa un ekipo di político y gobernante di hopi categoria. Mientras AVP tabata traha duro pa drecha e imagen fatal cu MEP a crea frente Hulanda cu su muchachadanan y patriotismo falso, e integrantenan di AVP a pone man na obra pa coregi e trato infame cu MEP a duna e politiconan Hulandes, pa djey invoca nan asistencia tambe den e noble esfuerzo di duna Aruba un industria mas cu a keda paraliza pa motibo di e sordera y ceguedad di Nel Oduber y su ekipo di mediocrenan.

             Un biaha mas Mike Eman a demostra kico kier meen traha incansablemente y cu un amor incondicional pa su Pueblo y su isla. Apoya pa un Mike de Meza cu conoce e importancia di e refineria den e bida publico y financiero di Aruba, el a pone como meta e reapertura di un fuente grandi di trabao pa nos hendenan y un entrada fiho pa Gobierno. Cu e 12 parlamentarionan consciente di nan debernan pa Aruba y pa su Pueblo, sosteni pa e semper efectivo representante di Democracia Real, Andin Bikker, a pone e base pa e reapertura di un refineria cu nunca lo a cera su portanan si Nel Oduber no a obligue hacie nengando di acepta un proposicion hopi atractivo pa nos isla.

              Con MEP por a vota contra e proposicion presenta den Parlamento mi no ta compronde, pasobra vota contra y keda sin vota mes ta un acto asina contrario na bon politica cu ta solamente un odio feroz contra Aruba por a inspire. No tin otro splicacion, pasobra bo no ta pone politica partidista riba e interesnan di bo Pueblo y bo isla! E ta absurdo y contrario na razón!

               Asina nos por a mira ta te ki abismo di falta di consenshi MEP a yega den su perversion di criterio. Virtud, aptitud pa haci bon pa bo pais a tuma un puesto secundario pa nan frente e destino di Pueblo. Nan no tabata tin ni e prudencia di fingi lealtad na Pueblo durante tratamento di e tema den Parlamento, y na lugar di vota pa aproba nan a bay contra su logro.

                Mi no sa ta ken ta dibuhando e futuro di MEP riba nan mapa político. Mi no sa tampoco ta cu ki cara nan ta bay enfrenta Pueblo ora e próximo campaña cuminza, si na cada paso nan ta sembra disgusto y desconfianza den e curazon di un Pueblo noble. Mala fe den politica, ora cu e ta causa daño na bo pais y na bo Pueblo, ta e peor compañero di viahe riba e ruta pa conkista poder den futuro. Y pone partido prome cu bo pais ta otro eror garafal cu ta carga den su mes e castigo di rechazo di un Pueblo cu ta desea di biba na paz y traha pa e progreso di su isla.

              Mi ta termina felicitando sinceramente un político colosal cu yama Mike Eman, y otro no menos gigantesco cu yama Mike de Meza y tur nan compañeronan di partido cu e magnifico logro aki. Cu e talento visible di tur e Ministronan di AVP, y e capacidad y competencia poni di manifiesto di parti di su Parlamentarionan, mi ta drumi trankilo riba e cusinchi di seguridad cu un Gobierno di tanto capacidad ta permiti.

 

- Advertisement -

1 COMMENT

  1. AMEN !!!! MAS CLARO NO CANTA UN GALLO,MASHA MASHA
    PABIEN NA NOS DUSHI ARUBA (awor si e ta dushi!!!)

DUNA COMENTARIO

Please enter your comment!
Please enter your name here