Obituario Diamars 29 Juni 2010
Archivo di June, 2010
Entiero na Aruba considerablemente mas caro cu sea Bonaire y Curaçao
Investigacion haci na islanan ABC a conclui:
ORANJESTAD (AAN): Compania di Seguro pa Entiero, Onderlingehulp, a conduci un investigacion profundo riba gasto di entiero na Aruba, Boneiro y Corsou. A sali afo, por ehempel, cu un entiero na Aruba ta costa considerablemente mas cu na Corsou of Boneiro. Tambe pa cada compania di seguro pa entiero, e gastonan ta varia masha tanto. Danki na e investigacion aki, Onderlingehulp por ofrece su clientenan un imagen transparente di e gastonan di nan entiero desea, di modo cu nan por sigura nan mes pa e suma corecto.
Hoben a muri di tiro den frente ayera anochi
Wega lo tabata wordo haci cu arma segun prome informe
ORANJESTAD.(AAN): Ayera anochi na Dr. Horacio Oduber Hospital a yega un auto modelo BMW y e chofer ta pidi seguridad pa e por bay poli mesora. Den e auto e tabatin un persona seriamente herida. Mesora a tuma medidanan y a notifica alavez autoridad competente. A resulta cu den e BMW tabatin un persona cu a ricibi un tiro den su frente. Personal y asina yama poortarts a atende e victima y no a keda nada otro pa constata su morto.
Chauffeur deteni despues di gaña polis
ORANJESTAD(AAN)– Ayera anochi chauffeur di un auto cu a causa un desgracia na cruzada Koningstraat – Emmastraat mas o menos 10 pa 9 a kere cu e por scapa si e gaña polis. Pa colmo su compañero (esun man cruza) cu tabata cune den auto tambe a para gaña polis.
E auto den cual e personanan aki tabata aden no a duna preferencia na un otro auto y nan a box. Pa colmo e chauffeur no tabata tin rijbewijs, ni keuringskaart, ni seguro y e auto no tabata di dje.
SKOA a haci su investigacion y a tuma e medidanan necesario
Josette Daal di SKOA a señala relaciona cu caso di abuso na Madiki:
ORANJESTAD (AAN): Ayera dilanti di SKOA tabata tin un accion di firma organiza pa Fundacion contra Abuso di Mucha esaki relaciona cu e caso di abuso cu lo a sosode na un school na Madiki.
DIARIO a logra combersa cu Josette Daal, Director di SKOA ya cu e fundacion ta exigiendo claridad riba loke a sosode na e school aki. Señora Daal a manifesta cu e asunto aki di claridad ta hopi delicado. A señala cu hende tambe mester di privacidad y por ta tin e pensamento cu e meneer aki, esta e docente, no merece su privacidad, pero e meneer aki tin famia.
Mucha muher condena na 2 luna di prison condicional pa maltrato
ORANJESTAD (AAN):– E mucha muher L. ta wordo acusa di hunto cu un of otronan riba caminda publico a comete violencia contra un otro mucha muher. L. a wordo condena pa 2 luna di prison condicional cu 100 ora di trabao comunitario. Ta asina cu e mucha muher L. a scop su victima den cara durante un pelea cu e victima. Mester remarca cu e mucha muhernan di awendia ta bringa mescos of pio cu e mucha hombernan riba caya.
Sucedido na school di Madiki ta un asunto entre doño di trabao y empleado
Directora di SKOA:
ORANJESTAD (AAN): Durante e accion di firma ayera di Fundacion contra Abuso di Mucha dilanti di SKOA, prensa por a combersa cu Josette Daal, director di e fundacion kende a referi na e accion aki dunando nan punto di bista. El a bisa cu den un caso asina, e sucedido aki ta entre doño di trabao y e empleado. A bisa cu e dunador di trabao a atende debidamente e caso y como cabezante di school tambe sa di e pasonan cu a worde tuma. A agrega cu SKOA a saca un comunicado di prensa y eynan ta duidelijk pa mayornan sa cu e persona no ta mas cu e fundacion. “Pa nos eynan e caso a caba”.
Automatiza Bevolking ta un necesidad grandi
Sra. Sharin Luidens, director:
ORANJESTAD (AAN) — Señora mr. Sharlin Luidens a menciona den entrevista cu nos redaccion, cu un total di seis formulario di Censo lo wordo duna na e hulpbestuurskantoornan. Nan ta e papel di cinco florin cu ta trece e presion mas grandi riba e oficina (pa hende casa y soltero), papel di bon conducta (hende casa y soltero) y e papel pa haya bijstand di gobierno. Sra. Luidens a menciona cu Censo ta bezig aworaki, pa poco, poco, automatiza Bevolking. Hopi cos ta anticua ainda, y un di nan ta e Acta di Nacemento.
Dialuna servicio Censo na Savaneta a cuminza
Minister di Asuntonan General hopi satisfecho:
ORANJESTAD (AAN) — Prome Minister mr. Mike Eman a bishita Hulpbestuurskantoor di Savaneta, dialuna mainta y cu hopi satisfaccion el a presencia e inicio di servicio di Censo, den e hulpbestuurskantoor aki. Esaki relaciona cu e proyecto pa cuminza extende e servicionan di Censo na e oficinanan auxiliar di gobierno. Prome Minister a declara cu no ta unicamente pa alivia Censo di Playa, pero tambe pa mehora e servicio den nos barionan. Algun luna pasa gobierno a sinta na mesa hunto cu Censo, y e hefenan di Hulpbestuurskantoornan, y a señala cu nan kier mehora e producto di servicio cu tin den e oficinanan aki.
Fundacion contra abuso di mucha cu accion di firma pa exigi skoa transparencia
Kier claridad riba loke a pasa na school Bonbini…
ORANJESTAD (AAN): Ayera mainta tabata tin un accion di colecta di firma y DIARIO a haya un entrevista cu Sra. Lissete Gomez kende a splica cu e motibo di accion aki tabata pa pidi transparencia na SKOA tocante e abusonan sexual cu ta sosode. Por corda cu algun siman atras a bira publico cu un docente di School Bonbini na Dakota lo a comete actonan inmoral cu un mucha na e school aki. SKOA ni e school no a sali padilanti ningun momento pa splica kico a pasa ta pesey cu e Fundacion contra Abuso di Mucha ta exigi claridad riba loke a pasa.
CSI Crew a tene tremendo weganan di Softball na Kudawecha
ORANJESTAD (AAN)- Diabierna, Diasabra y Diadomingo pasa tabata tin tremendo weganan di softball na Kudawecha Ball Park organiza pa CSI Crew.
E weganan di Diabierna a cuminza pa 7’or di anochi entre Happy Brothers y Los Guereros, sigui pa Bad Boys vs Guess Power y ultimo wega tabata 10’
Or di anochi Redskin vs. Defender. Diasabra e weganan a sigi pa 1’or di merdia entre Crystal Casino y Men in Pink sigui pa Splash y Dem Gyalz.
Mama y dos yiu a pidi polis pa bay cu e tata
ORANJESTAD.(AAN) Na Moko diadomingo marduga patruya di Noord a bay atende un caso relaciona cu problema familiar. Alcohol lo a hunga un rol y esaki lo a causa e problema entre un pareha. Polis a presenta na e direccion y pa cuminsa a scucha e señora di inicialnan R.K. naci na Guyana di 46 aña. El a bisa polis cu su casa, e homber di inicialnan M.N. tambe naci na Guyana di 49 aña a presenta na cas burachi y a bise cu e tin boshi di homber. E señora a sinti su mes ofendi y a rabia, pasa man pa e boter di rum y a benta esaki afor. Pero e homber tambe lo a rabia pa e accion di e señora y a destrui windshield. Pa colmo e homber kier a keinta zeta cayente pa basha riba e señora.
Fayo di un “Bushing” a pone cu Aruba a sufri blackout
Resultado preliminar di caso di 28 Mei a bira conoci!
ORANJESTAD (AAN): Por corda con Diabierna dia 28 mei 2010 pa 5.44 PM a surgi un corto circuito den Transformador-3 di WEB, sigui pa un candela, cu a causa caida inmediato (trip) di Unidad di produccion No-3, esta Turbina-3 y Boiler-3. Despues di esaki pa 5.55 PM a surgi un Black-out total. Pa por investiga e motibo di e corto circuito y Black-out menshona y bin cu recomendacionnan pa por previni casonan asina , WEB a institui un Comision tecnico cu diferente disciplina. E metodo profesional cu ta uza den casonan asina ta un “Root Cause Analysis”. Fin di siman pasa e comision di investigacion menciona a raporta e resultado preliminar na Gerencia di WEB.
Cumpleaños Dialuna 28 Juni 2010
Hoy lunes 28 cumple es motivo de celebracion!! cumple anhos mi hermanita Candy le deseamos muchas felicidades de parte de sus padres Santos y Nelida sus hermanos Eddy ,Irving, su sobrinito ahijado Sebastian y porsupuesto de su hermana Pelu y amigas que la queremos mucho 
,toda la familia en Peru y deseamos que este anho sea uno lleno de exitos para ella !! Bueno sis tu sabes que siempre puedes contar conmigo en todas y que siempre estare ahi para ti en todas las fiestas jajaj bormita Besotes y abrazos Sis !!
