Home General Premier Eman Presente Den Ceremonia Di Cambio Di Mando Di Fol Na...

Premier Eman Presente Den Ceremonia Di Cambio Di Mando Di Fol Na Curacao

0
0
SHARE
- Advertisement -

sp7ORANJESTAD (AAN) — Siman pasa a tuma lugar e cambio di mando den e Marina Hulandes Caribe, y diahuebs a tuma lugar e cambio di mando di FOL na Curacao.

Minister Presidente mr. Mike Eman a presencia e ceremonia aki na Curacao, y el a relata pa nos redaccion kico ta nifica e presencia di FOL den nos area.

Premier Eman a bisa cu e presencia di Militarnan Mericano den nos area tin hopi importancia, pa loke ta trata e stabilidad y seguridad di nos Islanan.

Ademas, nos minister presidente a enfatiza cu den nos region tin pensamentonan riba e presencia di e forzanan aki na Curacao y Aruba.

“ E forzanan aki, mi a caba di haci un recorido den e avion, ta specificamente dirigi riba control y pa yuda combati droga. No tin ningun esfuerzo akinan, cu ta worde haci pa menaza ningun pais”, e dignatario a remarca.

Den e avionnan aki no ta carga ningun tipo di arma.

“ Nan ta avionnan cu tur sofisticacion pa por yuda controla e areanan contra narcotrafico y nos ta sumamente orguyoso cu Aruba ta forma parti di e esfuerzo internacional aki, cu hopi reconocimento na Merca, pa e hopi inversionnan cu nan ta haci pa yuda cu tin un presencia asina grandi riba nos Islanan”, Minister Presidente a enfatiza.

Minister Presidente a duna di conoce, cu el a conversa cu tanto e Coronel saliente como cu esun cu a drenta e momentonan ey, riba e esfuerzonan cu Aruba tambe ta haciendo caba, hunto cu Guardacosta, Marina Hulandes y FOL, y kico mas cu por haci pa nos Islanan keda sigur.

“ Mi a sinti tambe di e Embahador di Merca cu nan tambe ta interesa pa sigui coopera, hopi orguyoso di e Imigracion y Douane Mericano. Y mi tin cu bisa cu esaki ta un otro iniciativa cu a sali e tempo di e prome gabinete cu Aruba a conoce na entrada di Status Aparte”, e dignatario a subraya.

Minister Presidente Mike Eman, a splica tambe pakico tin menos presencia di FOL na Aruba. El a indica cu esaki ta debi cu Aeropuerto di Aruba ta hopi ocupa, y cu cada tanto tempo FOL ta baha cu nan avionnan.

Pero ayera el a papia riba palabracionnan cu tin cu den e area pabao di aeropuerto unda cu FOL por staciona, lo traha un plataforma. AAA tin idea riba esey y FOL tambe, pues den e siguiente dianan nan lo bay traha pa realiza esaki.

- Advertisement -

DUNA COMENTARIO

Please enter your comment!
Please enter your name here