Home General Presencia di Ministernan no mester ta causa di ningun problema den Parlamento...

Presencia di Ministernan no mester ta causa di ningun problema den Parlamento di Aruba

1
0
SHARE
- Advertisement -

Segun Direccion di Legislacion y Asuntonan Huridico:

ORANJESTAD (AAN): Pa basta tempo caba den Parlamento ta parce di tin un desacuerdo fundamental relaciona cu presencia di Ministernan durante di reunionnan.

   Na varios ocasion fraccion di Movimiento Electoral di Pueblo (MEP), particularmente Sr. Booshi Wever, a haci hopi desordo, protestando presencia di ministernan den parlamento di Aruba.

    E accionnan aki a trece bruhamento innecesario den e funcionamento di Parlamento di Aruba. Pa e motibo aki, for di Parlamento, a sali e peticion pa Direccion di Legislacion y Asuntonan Huridico (Directie Wetgeving en Juridische Zaken) duna un interpretacion di articulo III.18 di constitucion.

    Direccion di Legislacion y Asuntonan Huridico (DLAH) tin como trabao pa suministra claridad y transparencia ariba asuntonan huridico pa pais Aruba y consecuentemente ta e instancia pa pidi conseho den e tipo di casonan aki. 

    Ayera, diaranzon, un conseho a yega for di DLAH, cu e splicacion solicita pa Parlamento di Aruba.

   Segun DLAH, e presencia di ministernan den parlamento no mester ta causa di ningun problema den Parlamento di Aruba. 

   Den e carta ta splica cu “… de ministers hebben het recht om vergaderingen van de Staten bij te wonen…” 

   Esaki ta un idioma cla y raspa procedente di Direccion di Legislacion y Asuntonan Huridico (DLAH). E carta, firma pa director di DLAH, Sr. Urbano Lopez, ta splica cu e ministernan tin e derecho pa ta presente durante e reunionan, “ook zonder daartoe door de Staten te zijn uitgenodigd.” 

    Esey kiermen cu maske cu nan no haya invitacion di Parlamento, Ministernan tin e derecho pa ta presente durante di reunionnan den parlamento. 

    Palabranan cla y fuerte cu ta duna un mensahe cu ningun hende por pretende di interpreta na nan antoho. E carta aki a pone un punto tras di e bruhamento cu fraccion di MEP a trece durante e ultimo lunanan.

    Varios reportero cu ta cubri reunionnan publico di parlamento ta splica nos mesa di redaccion cu durante gobiernonan di MEP constantemente por a tuma nota di varios minister durante di reunionnan.

   Pa kico awe, fraccion di MEP tin un problema asina fundamental cu presencia di ministernan den parlamento ta keda un misterio.

- Advertisement -

DUNA COMENTARIO

Please enter your comment!
Please enter your name here