Home General Pvv Di Geert Wilders Como Gran Ganador, Mientras Balkenende Lo Retira For...

Pvv Di Geert Wilders Como Gran Ganador, Mientras Balkenende Lo Retira For Di Politca

1
0
SHARE
- Advertisement -

Relaciona cu eleccion na Hulanda,

 ORANJESTAD (AAN)* Ayera a tuma lugar eleccion na Hulanda pa representacion den Tweede Kamer. En total 19 partido a tuma parti na e eleccion aki.

    Na Aruba esnan registra por a deposita nan vota na e stembureau na oficina di minister di Asunto Interior y Relacion di Reino.

    E resultado ta conoci despues cu a sera e stembureau pa 3’or di atardi. E ta como lo siguiente, en total a ricibi 374 envelop cu e stembiljet, na unda cu mester a pone 11 envelop un banda, mientras cu e demas 361 voto a resulta valido y 2 voto invalido.

   Voto cu a bay pa nr. 21, ta 12 en total pa e huez trahando na Aruba sr. Jeroen Recourt riba e lista di Partij van de Arbeid. Mientras e candidata local Nadia van Putten di Groenlinks a ricibi 9 voto y Cynthia Ortega Martijn procedente di Antiyas Hulandes candidata di  ChristenUnie a haya 3 voto.

    Na Hulanda CDA ta perde eleccion y Premier Hulandes Balkenende ta retira for di politica. El a expresa cu e resultadonan ta hopi pober y decepcionante.

    Wilders di PVV ta esun cu ta celebrando mirando cu e pronostico pe ta mustra esaki. Segun wilders e ta victorioso mas grandi di e eleccion di ayera sino ta un dia glorioso pa Hulanda completo.

    “Na Den Haag ningun hende por bira cara pa PVV sino mester tene cuenta cune” Wilders a duna di conoce.

    Wilders ta haya 31 asiento y PvDA ta haya 30 asiento,  segun informacion cu nos a haya di ultimo ora.  Esaki ta nifica cu e lo bira un gobierno di coalicion.

- Advertisement -

DUNA COMENTARIO

Please enter your comment!
Please enter your name here