Home General Reunion Fructifero Entre Esnan Envolvi Den Mundo Di Crusero Di Aruba

Reunion Fructifero Entre Esnan Envolvi Den Mundo Di Crusero Di Aruba

0
0
SHARE
- Advertisement -

ORANJESTAD (AAN): Diabierna a tuma lugar den e Emerald Room di Radisson Resort & Casino un reunion entre Aruba Cruise Tourism, Aruba Ports Authority N.V., Ministerio di Turismo, Transporte & Labor y SEL Maduro & Sons.

   E prome encuentro oficial aki, tabata un “working-session”  den cual Sr. Alfonso Boekhoudt-Director di Aruba Port Authority N.V., Señora Tamara Waldron-Directora di Aruba Cruise Tourism, Señora Myrna Jansen-Senior Tourism Advisor di Ministerio di Turismo, Transporte y Labor, Sr. Hans van Esveld-Director di SEL Maduro & Sons y Sr. Graceo Dunlock-Shipping Manager di SEL Maduro & Sons a bini hunto pa intercambia di ideanan tocante Aruba su industria crusero.

   Entre otro a toca aspectonan manera e forza di Caribe como destinacion crucero y e demanda pa Aruba di parti di consumidornan pa inclui Aruba riba itinerarionan, a sondea posibilidadnan tambe pa incrementa bishita di cruceronan durante e “low-season” for di april pa september, e producto crucero local, e Puerto crucero (aspectonan riba termino corto, mediano y largo plazo) y e rol di Gobierno den esakinan.

   Un lista di recomendacionnan pa Ministro di TUrismo, Transporte y Labor-Sr. Otmar Oduber, a keda formula na final di e  sesion aki cu a resulta na agrado di tur presente y lo worde ripiti tur luna pa por sigui cu dialogo pro-activo. E intencion lo ta pa atende diferente topiconan cu ta toca e industria crucero na Aruba y pa invita partnernan strategico pa participa na e diferente reunionan. Esaki lo worde haci segun e relevancia di e topico cu worde atendi durante  e reunion ey.

   Durante e reunion a worde expresa un gran satisfaccion cu Aruba Cruise Tourism a tuma e iniciativa aki ja cu pa basta aña  lo tabatin un “gap” den comunicacion entre e partnernan. E dialogonan aki sigur lo ta beneficioso pa tur esnan envolvi  y tambe Aruba en general pa por brinda un mihor producto crucero.

- Advertisement -

DUNA COMENTARIO

Please enter your comment!
Please enter your name here