Home General Rudy Lampe mester a guli tur su palabranan

Rudy Lampe mester a guli tur su palabranan

2
1
SHARE
- Advertisement -

E mester a rectifica su carta baho contra Minister Otmar Oduber

ORANJESTAD (AAN): Net un dia despues di e publicacion na un matutino na Aruba di un carta habri na e actor y humanista Richard Gere for di e pastor y politico fracasa Rudy Lampe  caminda el a demostra e odio cu e tin den su curpa, atachando bon nomber di nos Minister di Turismo, Transporte y Labor, Otmar Oduber, el a haya su mes obliga di rectifica esaki.

   Nos redaccion por a compronde cu Minister Oduber a tuma contacto cu su abogado inmediatamente mirando e forma baho cu e persona aki a dicidi di ataca su persona, pero mas ainda mirando e daño grandi cu e persona aki por haci Aruba en general.

    Den un forma vil, Rudy Lampe a pone den un carta habri pa Richard Gere cu su record lo por worde daña door di a ricibi e premiacion for di man di Minister Otmar Oduber debi cu el a worde procesa den un caso di corupcion.

    Ora cu un persona expresa su mes asina vies, no por tin nada otro cu odio den su curpa, pasobra e ex pastor aki y politico fracasa sa bon cla cu Otmar Oduber a gana tur 7 caso y su inocencia a worde confirma door di 13 huez.

    Rudy Lampe no a pensa cu den su afan pa daña nomber di hende e por a daña nomber di henter nos pais internacionalmente.

   Ya caba nos ta luchando pa supera e crisis relaciona cu e caso Holloway pa awor un ex pastor frustra bin purba di hinca nos pais un biaha mas den un luz negativo internacionalmente.

   Den su rectificacion el a bin bisa cu na ningun momento el a declara cu Sr. Otmar Oduber tabata culpabel den caso di corupcion. Purbando di troce loke el a bisa den su carta habri, ta core bin bisa cu ta mescos cune, cu den pasado tabatin un proceso penal contra dje pa opruiing y cu supuestamente den su caso a para esaki pa interes general y cu den caso di Sr. Oduber pa falta di prueba el a sali liber.

   E no ta bisa kico e resultadonan lo por tabata si su caso si a continua y tampoco ta bisa cu e tempo ey a a para e caso debi cu e tabata pastor y ainda e hendenan tabata kere den dje como homber religioso y no como politico frustra.

    Pero awor, e mester a guli su rabia y bin cu un rectificacion y evita asina cu el lo haya su mes confronta cu un caso legal y daña su nomber mas ainda di loke e ta caba.

   Rudy Lampe mester compronde cu hendenan no kier sa di dje mas, cu Aruba ta fada cu e tipo di politica baho y vies cu el a bin ta hiba pa añanan largo y cu muestra di esey ta e resultado di eleccion di 25 di September 2009 caminda e no a logra ni un asiento.

- Advertisement -

1 COMMENT

  1. Loke pasa den famia ta keda den famia. Parce cu e pasto aki no ta sinti su mes parti di e famia “Arubiano”.

DUNA COMENTARIO

Please enter your comment!
Please enter your name here