Home General Ruman Di Natalee No Ta Kere Loke Joran Kier Papia Awor Di...

Ruman Di Natalee No Ta Kere Loke Joran Kier Papia Awor Di “ARUBA”

0
0
SHARE
- Advertisement -

ORANJESTAD (AAN): Matt Holloway a bisa cu lo mas importante awor ta pa Joran van der Sloot keda pa resto di su bida den prison!  Esey ta loke e ruman di Natalee, a declara den un entrevista cu People Magazine.

   E revista tabata na Aruba tambe.  Nan a busca contacto cu varios personahe cu den 2005 tabata involucra den e investigacion riba e isla.

   Algun periodista cu a bin bek Aruba, a keda sorprendi cu specificamente famia Kalpoe na un forma asombroso, a dicidi na “keda keto” y no papia nada!  Net awor cu e chens tey pa e famia mustra cu nan ta inocente, nan a opta pa keda keto.

   Segun Matt Holloway, e ta kere cu Joran no tin nada mas di bisa di e caso di Natalee, aunke awor den prison na Peru e ta yora y haci comosifuera cu e ta ‘cla pa papia”.

   E ta djis kere, cu Joran ta tratando di haya un sentencia mas leve.  Joran ta profundamente hinca den e asesinato di Stephany Flores, y kizas e kier usa un crimen pa negocia e otro.

    Kico Joran lo bay papia awor?  Ningun hende lo bay kere!  Aruba ya caba a fada di su mentiranan.  Anto ainda e mama ta bisa cu ta un ‘complot’ tin contra Joran?

   E recien extorsion riba famia Holloway mes ta un prueba di tur esaki.  Pero tog e famia ta kere cu e storia di Joran haci na TV Hulandes na 2008, unda el a bisa cu Natalee a muri riba beach, y cu hunto cu un amigo a bente den laman, lo ta esun berdad.

   Nan no ta kere cu Natalee ta dera den fundeshi di un cas of otro lugar.  Ya caba e famia a acepta cu Natalee no tey mas, y nan ta spera cu ningun hende mas pasa den mesun tragedia di perde un ser stima.

- Advertisement -

DUNA COMENTARIO

Please enter your comment!
Please enter your name here