Home General San Juan Ta Bin San Juan Ta Bay Na Centro Di...

San Juan Ta Bin San Juan Ta Bay Na Centro Di Bario Tanki Leendert

2
0
SHARE
- Advertisement -

ORANJESTAD (AAN): Sinti e calor di San Juan durante e fiesta San Juan Dera Gai na CB Tanki Leendert.  C.B. Tanki Lender ta continua pa di 21 aña cu nos tradicion y ta haci un apelacion na tur Arubiano di curazon y esnan cu ta sinti nan mes Arubiano pa celebra nos fiesta unico y tradicional di Dera Gai dia 24 di Juni 2010. 

   Nan ta cuminsa 5or di atardi cu un “keinta curpa” cu musica di caha di Orgel. Bin los e pianan prome, pa mata e gai bon mata. Entrada ta completamente gratis. Musica lo ta en bibo cu Tipico V-Formacion, bin baila San Juan Dera Gai i prepara pa busca e calbas cora.

   Ademas nos lo tin e tradicional baile di bandera pa tur edad, Matamento di e Gai pa tur edad, sperando cu e aña aki e hombernan no laga e hende muhernan gana nan atrobe. CBTL ta presenta e wega di “Grito di Gai y Galinja” pa tur edad, for di puito, polechi y e galinja kloks y sin falta e gai kikirki mes di San Juan, pega rabo pa e gai. Tambe lo no por falta nos acostumbrado baile di pareha.

CBTL manera semper lo tin su Bar y cuchina bon surti. Nos Bar cu su cerbes bon frieuw y su refresco ijs ijs. E cushina lo ta netamente Arubiano y bon surti.

San Juan su celebracion na Aruba ta unico den su estilo, e ta parti primordial di nos identidad, ta na nos pa conserva y engrandece pa nos herencia cultural. CBTL ta spera bo sin falta pa Dera e Gai.

   Programa di San Juan ta lo siguiente.: Pa 5.00 pm Musica di Caha di Orgel.  Pa 6.30pm Baile di Bandera pa Mucha, sigui pa Baile di Dera Gai pa Mucha, Grito di Galiña y Gai pa Mucha, Baile di Bandera pa Hende grandi,   Baile di Dera Gai pa Hende grandi, y Pega rabo pa e Gai tur edad.

   Pa 9.00pm lo tin Grupo di baile San Juan (Martha y su Grupo)  cu V-Formacion, Grito di Gai  y Galinja pa Hende Grandi, Baile di pareha bow ritmo di V-Formacion, y despues ta sigui disfruta cu V-Formacion.

   Pa 12.00 am lo tin Clausura Fiesta di San Juan Dera Gai. 

- Advertisement -

DUNA COMENTARIO

Please enter your comment!
Please enter your name here