Home General Sas di coffie ta yuda combati e sangura di Dengue

Sas di coffie ta yuda combati e sangura di Dengue

1
0
SHARE
- Advertisement -

Segun descubrimento di Biologo Brasilero:

ORANJESTAD (AAN) — E interesante descubrimento realiza cientifico realiza pa e Biologo Brasilero Alessandra Laranja, di Instituto di Biociencias di UNESP, ta tuma mas forza recientemente, y e ta recoriendo mundo na e momentonan aki.

Kizas e ta conoci pa hopi hende caba, pero posiblemente tin personanan cu ainda no sa e noticia. T’asina cu e biologo Alessandra Laranja, durante un investigacion relaciona cu su Master Degree, a descubri cu e sas di coffie mula, por combati efectivamente y den cuestion di seconde tanto e broeimento di larva di Aedes aegypti, como e sangura adulto mes.

Segun e dama e sas di coffie ta produci un efecto cu ta blokia e postura y desaroyo di e sangura transmisor di dengue.

E proceso pa sigui ta hopi simple, ta djis basha sas di coffie riba blachi y den tur mat bao di pochi di mata, pone riba awa limpi cu ta keda stanca den patio, cunuco of hardin, despues di yobida of ora hendenan ta muha mata. Alavez e sas di coffie (conoci pa decadanan largo) ta un excelente abono ecologico pa tur loke ta mata y plantacion.

Pa personanan cu tur dia ta consumi coffie cola na cas, e costo economico ta cero.  Pa esnan cu no ta bebe coffie, nan por cumpra e coffie mula anto sigui e procedimento facil cu ta consisti di pone dos cuchara (grandura uza pa soppi) den awa bon cayente, despues sefte saca e awa y usa e sas, manera a worde splica prome.

Por pone riba e tera duro den cual awa ta keda para despues di awacero, y tur otro caminda unda awa limpi ta stanca, cu ta precis unda e sangura di dengue ta broei.

Na Costa Rica, cu tambe ta parti di e red UNESP, e descubrimento aki a haya un acogida grandi di Departamento di Salud Publico y su instancianan concerni.

Segun informacion adicional cu DIARIO a haya, nan a duna e asunto aki hopi importancia, debi cu e yobidanan fuerte cu ta suta e pais, y poco dia pasa nan a trece den publicidad un advertencia pa e pueblo, a crea e menaza di diferente tipo di dengue, incluyendo uno nobo e aña aki.

E biologo Sao Pauleño, den su relato ta splica cu 500 miligraam di cafeina pa mililiter di awa, ta suficiente pa blokia e desaroyo di e larva den fraccion di seconde, den su di cuatro stadio, y ta reduci e tempo di bida di e Aedes aegypti adulto.

E biologo a mustra con e cafeina cu ta keda den e sas di coffie cola ta altera e enzimanan “Esterases”, cu ta esnan responsable di e procesonan fisiologico fundamental di e metabolismo hormonal di e sangura.

Tambe e ta splica cu e sangura ta broei riba un pelicula fini fini di awa, cu tin biaha ta keda para rita terenonan habri, den patio, cunuco, hardin, como tambe den cierto recipientenan manera tire, bleki, boter, etc.

E sas tambe ta ofrece e garantia di ta un metodo ecologico natural, cu na diferencia di e sistemanan actual pa combati e sangura di dengue, no ta toxico pa hende como tampoco pa bestia y planta.

DIARIO a traduci e informacion aki pa nos lectornan, pasobra na e momentonan aki cu nos ta haya yobida, tin biaha un poco abundante, kizas esnan cu kier purba, por sigui e conseho aki, specialmente den casnan unda ya caba a surgi casonan di dengue y cu un exposicion un biaha mas na bolbe haya e malesa, por tin consecuencianan hopi mas serio cu esun prome.

Cu purba nos no ta perde nada! Si nos mira cu e ta resulta, anto podise un boca ta bisa otro, y danki na e coffie mula, nos por haci uso di un otro forma mas accesible pa combati dengue den y rond di nos cas!

- Advertisement -

DUNA COMENTARIO

Please enter your comment!
Please enter your name here