Home General Segun IOWUA banconan ta respalda trahadornan di Valero

Segun IOWUA banconan ta respalda trahadornan di Valero

0
0
SHARE
- Advertisement -

ORANJESTAD (AAN):– Segun presidente di sindicato IOWUA, sr. Boy Anthony, e banconan comercial ta respalda e trahadornan di Valero.

Esaki cu despues e trahadornan a sinti nan mes poni un banda pa e situacion y incertidumbre cu a reina pa e shutdown temporal.

Despues cu e Settlement Agreement a keda aproba den parlamento luna pasa, gerencia di Valero tanto aki na Aruba como na San Antonio a anuncia reapertura di e refineria despues di un turnaround di 3 luna cu inyeccion di 90 miyon florin.

Segun sr. Anthony, e duna danki na e banconan cu a deposita nan confianza den e trahadornan na unda cu por reina trankilidad bao di e trahadornan y cu nan por haci prestamonan personal, servicionan bancario y hipoteca.

E turnaround lo sosode den 2 fase.

Den e prome fase cu mester ta cla pa 15 di augustus y peparacion lo mester ta cla pa dia 1 di september di entre 130 pa 140 mil bari pa dia.

E contratistanan ta den full swing pa den 1 pa 2 siman cuminsa cu e trabaonan di turn around.

A traha diferente scope na unda cu ya caba tin planning pa loke ta e turn around aki.

Tur cos ta canando den bon direccion.

Ta trahando segun plan y segun necesidad e contratistanan lo conrata trahadornan.

E di dos fase lo termina fin di December tempo cu 180 pa 200 mil bari pa dia ta possible y asina pues ta den full operacion.

- Advertisement -

DUNA COMENTARIO

Please enter your comment!
Please enter your name here