Home General Si ta comproba cu Joran a mata e mucha muher Peruano pa...

Si ta comproba cu Joran a mata e mucha muher Peruano pa horta su auto e lo por haya castigo di bida largo

2
2
SHARE
- Advertisement -

abogado2Segun abogado Peruano:
ORANJESTAD (AAN): Den un entrevista cu colega Marco Espinoza a tene na Peru cu Julio Rodriguez, kende ta un abogado cu ta siguiendo e caso di Joran van der Sloot, el a laga sa cu esaki ta un crimen cu a ocasiona un conmocion social hopi grandi y loke ta wordo genera como comentarionan den e ambitonan publico ta cu lo mester tin algun tipo di conocimento di e tipo di personanan aki cu antecedentenan hopi grave, manera ta e caso di van der Sloot.A bisa cu ta obvio cu e suheto aki a identifica un victima, a convence pa bay hotel cune y te eynan por papia di un comportacion normal entre dos hoben.
Sinembargo, a bisa, e problema di Joran tabata cu su intencion tabata pa pone fin na bida di e mucha muher.

CASO HOLLOWAY VS. CASO FLORES

Na otro banda, pa loke ta e caso di Natalee Holloway, a indica cu ningun hecho cu no tin di haber cu loke Joran a haci na Peru por wordo tuma den consideracion. Loke a sosode na Aruba of Thailand no por wordo utiliza pa un huez ya cu basicamente ta papiando den e caso di Thailand di speculacionnan, a agrega.

Den e caso di Aruba, Joran a wordo exclui di e proceso debi na ausencia di prueba, a señala. Si nunca a haya e curpa, no tin crimen, pesey nunca Joran a haya un sentencia condenatorio.
Definitivamente loke a pasa na otro paisnan no por wordo utiliza na Peru ni pa habri un proceso ni pa impone un castigo. E ta prohibi.

Si na Peru nan ta haya cu tin un motibo pa re-habri e caso na Aruba. Por ehemplo, cu e cadaver ta aparece, lo por solicita evidentemente na e estado peruano pa un bez cu Joran ta cumpli cu su castigo eynan pa e wordo remiti pa Aruba pa asina conclui cu su huzgamento y cumpli e castigo corespondiente, Rodriguez a laga sa.

Teniendo cuenta cu e status di stranhero, den caso cu Joran van der Sloot wordo condena, a puntra Julio Rodriguez con lo ta e situacion di Joran na un prison peruano.

NO TIN TRATO
PREFERENCIAL

El a bisa cu e lo haya un trato como cualkier otro persona. Na Peru no ta existi ningun trato preferencial den prison pa un ciudadano stranhero. E lo wordo clasifica pa e autoridad competente y lo wordo remiti na un unidad penitenciario den virtud cu e peligro cu e ta representa y tumando den consideracion e delito cometi.

Ya cu e caso aki a genera un interes publico cu a traspasa e fronteranan peruano, esaki ta exigi pa e autoridadnan locual actua conforme e derechonan humano y di defensa pa asina evita un cuestionamento di por ehemplo embahada di Hulanda, a expresa.

Como cualkier embahada, semper lo purba di percura pa e bienestar di su ciudadanonan. Den e caso aki e bienestar di Joran van der Sloot ta pa e wordo huzga atravez di un proceso husto y imparcial, a splica.

CASTIGO DI BIDA LARGO

Pa loke ta e asesinato, a expresa cu practicamente tur cos ta hopi cla. Na Peru mescos cu na e sistema europeo ta existi e prueba pa medio di indicio. E indicionnan ta involucra Joran husto prome y despues di e morto di Stephanie Flores den e lugar di e suceso.

Tur esaki ta coincidi pa e ora Joran por wordo responsabiliza penalmente. Unico cos cu mester wordo haci ta recolecta pruebanan fisiologico cu ya caba e recherchenan lo a recopila na e sitio di e crimen. Awor ta toca haci e comparacion pa wak si tur cos ta coincidi cu e caracteristicanan di Joran van der Sloot, a subraya.

Un bez cu tin tur e elementonan di prueba e lo por wordo condena pa homicidio. Si adicionalmente ta verifica cu Joran tabata tin algun intervencion den loke ta e hortamento di e auto di Stephanie, e castigo cu e lo por haya, den e caso peruano ta di cadena perpetuo.
Si pa horta, bo ta mata un persona, e legislacion peruano ta exigi castigo di bida largo, e abogado a enfatiza.

- Advertisement -

2 COMMENTS

  1. MITA HANJA JAMMER PASU MAMA CU TIN DI PASA TUR E BERGUENSANAN AKI ,PASO CON CUBAI BIN ETA KEDA SU MAMA.JORAN E BIAHA AKI SI BO BOLA A HUNGA

  2. No lubida cu joran ta un sospechoso y no por condene pa loque prensa ta scirbi si no tin prueba en o ta un criminal tin hopi cos cu por a pasa no condena un hende sin sabi loque a pasa niun hende por bisa cu e a mata Nathalie of e peruana porta wel cu e nunca a mata natalie y e peruana por tin mas hende invulcra pa hasi manera cu ta joran a mate gewoon un setupp of venganza di un ex etc etc

DUNA COMENTARIO

Please enter your comment!
Please enter your name here