Home General Sindcatonan den Union, SdU, a desea su compañeronan di IOWUA un Caluroso...

Sindcatonan den Union, SdU, a desea su compañeronan di IOWUA un Caluroso Pabien cu e reapertura di Valero

0
0
SHARE
- Advertisement -

ORANJESTAD(AAN)— Den un comunicado Sr. Valdez, vocero di SdU a informa cu despues di a traha durante lunanan den un incertidumbre y bou di un tension enorme, por fin es compañeronan di IOWUA por bisa cu a bolbe un calmo den nan ambiente di trabou. Sindicatonan den Union (SdU) ta sigur cu sr. Boy Anthony, e lider di IOWUA, a hunga un papel importante den e negociacionnan haci, pa yega asina leu. “Cu awe nos por bisa cu por fin e refineria por bay cuminsa funciona bek, manera antes, ta danki tambe na un lider cu semper a cana rond cu pasenshi y un speranza positivo. Boy a sa di pasa tur esaki over pa su miembronan, cu cada dia tabata bira mas impaciente, despues cu dianan tabata pasando sin cu nan tabata haya un noticia alentador for di nan dunador di trabou.

Durante e celebracion ten’i diabierna atardi, 4 di juni 2010, miembronan di SdU presente, por a mira caranan di alegria, alivio y speranza bou di e trahadornan di Valero presente cu tabata celebra hunto e comienso di un era nobo.

Ban spera cu tur loke falta ainda pa haci por core riba wiel y cu pronto tur trabounan den e refineria wordo reanuda, lagando asina e periodo dificil cu nos compañeronan a pasa aden, pa historia.

Pabien na nos compañero Boy Anthony, na nos compañeronan di IOWUA y e trahadornan di Valero, y un Caluroso Pabien tambe na e Pueblo di Aruba y su Gobierno, Sr. Valdez a termina cune.

- Advertisement -

DUNA COMENTARIO

Please enter your comment!
Please enter your name here