Home General Training Di Guardacostanan Di Aruba Y Venezuela A Bay Bon

Training Di Guardacostanan Di Aruba Y Venezuela A Bay Bon

3
0
SHARE
- Advertisement -

venezuela_2ORANJESTAD (AAN): Training di Guardacostanan di Aruba y di Venezuela a keda cla!  Ta conoci cu durante siman, Guardacosta di Aruba y Antiyas hunto cu Guardacosta Venezolano, a tene ehercicio “Open Eyes 2010”.  E training tabata parcialmente cerca di Venezuela, y cerca di Aruba.

   Diferente unidad di Guardacosta, bao di cual e cutter Jaguar, como tambe AS355 helicopter, y e avion Dash-8 a haci training cu Guardacosta Venezolano, cu diferente escenario.  E enfasis tabata riba “Search and Rescue”.

   Aki a simula diferente escena, unda ambos Guardacosta a duna yudanza.  Cruz Corra como tambe Search and Rescue Foundation (SARFA) di Aruba a participa tambe.

   E training a ricibi Diahuebs un cambio realistico, ora cu un boto di motor “Arias 2” tabata drief sin control, y mester a worde lastra pa SARFA.

   E training a worde cera cu un debriefing, almuerzo hunto, y un wega deportivo na Punto Fijo.

   DIARIO sa cu e training anual aki di “Open Eyes” ta enfatiza e cooperacion di ambos banda y ta forma e base pa un bon cooperacion riba tereno di Search and Rescue.

- Advertisement -

DUNA COMENTARIO

Please enter your comment!
Please enter your name here