Yiu A Causa Problema Na Cas
Pero no ta bay scol y no por haya trabao
ORANJESTAD(AAN)–Atrobe tabata tin un caso di un yiu grosero cu ta haci bida na cas insoportable. Pero den e caso aki segun e yiu su relato por a ripara con hobennan sin papel no ta haya trabao ningun caminda, no por bay scol pasobra no tin placa tampoco y esaki ta causa problema den hopi famia tambe.
Tabata diadomingo 12. 3o or merdia cu asistencia di polis a wordo pidi na un cas na Brasil, unda un yiu homber tabata causando problema.
Na e cas, e mama L.R. di 49 aña, a bisa polisnan cu su yiu homber J.G. di 18 aña, no ta bay scol, no ta traha, no ta aporta cu nada den cas y ademas ta hopi grocero.
Polis a papia cu e mucha homber, kende a mustra su deseo di bay scol bek, pero no tin placa pa paga.
Ademas el a bisa cu el a busca trabou hopi caminda, pero tur ta exigi papel, locual e no tin.
Tambe el a bisa polisnan cu el a tuma contacto caba cu instancianan cu ta bay yude. Mientras tanto polisnan na e sitio, tambe via di Central a tuma contacto cu e instancianan concerni.
