“Ta desea tur e studiantenan hopi exito cu continuacion di nan studio den exterior”
Lainda Kemp-Westerhof:
ORANJESTAD(AAN)– Diadomingo awor un grupo di studiante ta biahando pa Hulanda cu meta pa continua cu nan studio. Parlamentario Lainda Kemp-Westerhof ta sumamente contento y orguyoso di e grupo aki. E ta menciona cu e sentimentonan ta mixto pero na mes un momento nos mester ta contento pa nan, apoya nan y ta sumamente orguyoso di nan. Tambe Parlamentario Lainda a bisa cu nan ta bay pa un bunita meta, nan ta bay busca algo sumamente balioso, cu bo no por cumpra ni gane, sino traha duro pa logre, un papel den bo man.
Tambe e ta menciona cu Aruba tin mester hopi mas profesional cu den futuro por ocupa posicionnan clave den nos sociedad y como yiu di tera nan por hiba e pida baranca aki pa dilanti.
Finalmente parlamentario Lainda Kemp-Westerhof ta desea tur estudiante, esnan cu ta bay Hulanda, Merca o Latinoamerica un bon biahe y hopi exito cu nan studio den exterior. Y corda hasi un di bo soñonan bira realidad y asina logra obtene un papel den bo man!!!
Maxim
Con nan por CONTINUA nan estudio den exterior, si ta awor nan ta bai CUMINSA studia?????
Mi ta kere cu nos parlamentario kiermeen continua nan EDUCACION den exterior. Papiamento ta asina dificil…hasta pa nos representantenan den parlamento..