Home Hudicial 18 luna di castigo pa Mericano gara cu bolita

18 luna di castigo pa Mericano gara cu bolita

4
0
SHARE
- Advertisement -

JudicialORANJESTAD(AAN): Diahuebs na corte a tuma lugar un caso den cual e Mericano Matthew W.P a wordo acusa di a importa un cantidad di cocaina pa Aruba. Esaki a sosode dia prome di Maart 2010. Huez a repasa procesverbal di polis di e caso aki, den cual tin para cu riba prome di Maart e homber hunto cu dos muher cu kende e tabata biahando, a wordo para na aeropuerto, ora cu nan kier a biaha pa Merca. E muhernan tabata tin un cilindro den nan vagina den cual nan tabata tin cocaina y nan a guli bolita tambe. M.P tambe a guli bolita. E homber a guli 27 bolita conteniendo 277,3 grandi cocaina y e dos muhernan a guli respectivamente 67 y 87 bolita, conteniendo 620,9 y 683,6 gram di cocaina.
E droga tabata pisa en total 1575,4 gram. Den su declaracion cerca polis e acusado a bisa cu e ta adicto na cocaina y heroina y cu e tabata cumpra su droga a base di credito.

Como cu e tabata debe e bendedornan di droga basta placa, nan a acerke cu e propuesta pa e busca droga na Latino America, pa bin cu esaki pa Merca. El a dicidi di bay di acuerdo y hunto cu e dos muhernan el a biaha pa Suriname, unda cu el a haya e droga for di un tal Denny.

Den corte Matthew a bisa huez cu no ta e a acerca e muhernan pa nan bay cu e droga. E dos muhernan sinembargo a declara cu M. a propone pa nan biaha pa Latino America pa busca e droga.’

E acusado a bisa huez cu e muhernan lo declara cualkier cos pa scapa nan curpa. Un di e muhernan te hasta a bisa cu M. bise cu na diferente occasion el a yega di regla pa hende bay busca droga y tur cos a bay bon.

E homber a bisa huez cu el a yega di bay Suriname algun biaha caba, pero riba vakantie y no pa busca droga. Fiscal a haya e acusacion contra M. comproba y el a bisa cu e ta considera e acusado responsable pa tur e droga, pues mas di 1500 gram.

Ademas di esaki fiscal a bisa cu e ta considera M. como e organizador di e transporte di droga.
Pesey el a exigi 18 luna incondicional. Abogado Zara representando e acusado a pidi huez pa tene cuenta cu e hecho cu su cliente a coopera totalmente cu polis y cu nunca den pasado el a yega di haya problema cu husticia.

Huez sinembargo a bay di acuerdo cu exigencia di fiscal y a duna e Mericano un castigo incondicional di 18 luna.

- Advertisement -

DUNA COMENTARIO

Please enter your comment!
Please enter your name here