A tuma 8 aña y ainda no por mira e definicion di pobreza di e Gobierno anterior
Lider di AVP:
ORANJESTAD (AAN): Durante e conferencia di prensa di partido AVP por a tende Rene Herde comenta riba e discusion den parlamento e dianan aki. E fraccion di AVP mes a anuncia cu algun area special lo haya atencion di nan. E mihor control riba e sistema di prijs ta hopi necesario. Kier bin cu e maneho contra pobreza na Aruba. Pobreza a aumenta enorme y e gobierno anterior tabata studiando riba e definicion di pobreza na Aruba. A tuma 8 aña y ainda no por mira e definicion y e studio cu e gobierno anterior a haya, a señala. Peor ainda, no tabata tin ningun accion.
Den campaña e ex-minister di asuntonan social a bisa cu nan ta bay den barionan pa siña hende con pa traha presupuesto. A wak cu exito con esey tabata tin bao di condicionnan cu prijs a subi y no tabata tin ningun forma di control, ningun incentivo economico y no tabata tin atencion at all na e hendenan di mas necesidad, Herde a expresa.
Esey a cambia y nan a wak for di e prome dianan cu gobierno a sinta cu e atencion pa esnan mas vulnerable y den mas necesidad den nos comunidad a haya atencion, a agrega.
Nan lo sigui haya atencion ya cu gobierno ta kere den calidad di un comunidad ta depende di con bon e comunidad ey ta cuida esnan mas vulnerable.
“Si un grupo grandi den nos comunidad keda atras sin desaroyo economico, social, desaroyo personal, en berdad nos pais ta lubida nan”. Exactamente loke a sosode e ultimo ocho añanan, a bisa.
