Home Hudicial Acusadonan den caso di maltrato pisa di pareha anciano dilanti Huez

Acusadonan den caso di maltrato pisa di pareha anciano dilanti Huez

0
0
SHARE
- Advertisement -

Kock ta nenga envolvimento den e caso y ta bisa di tin alibi
ORANJESTAD (AAN):– Otro caso proforma cu a wordo trata den corte di prome instancia ta e atraco brutal riba un pareha anciano cu resultado lamentabel na unda cu a agredi e pareha di tal manera cu nan a resulta gravemente herida. Ta trata di dos sospechoso, Sambo di 19 aña di edad y Kock di 26 aña. Nan a wordo acusa di a drenta den un cas y na un forma brutal cu un obheto duro a maltrata un pareha di edad drumi den nan cama/ Tambe cu nan a tira un serbete den direccion di e homber pa e prop e den su boca y tambe nan a kinipi su boca y nanishi sera y a expresa menasa di morto den direccion di e victimanan.
E señora e keda malamente herida te cu tabata teme pa su bida. Cu un obheto nan a kibra su craneo y loke nan a logra bay cune ta solamente 25 florin. Sambo a wordo acusa di a drenta den un cas y a horta un television y otro artefactonan dia 8 di april.

El a usa un yabi falso pa por a drenta. E acusadonan a presenta dilanti mesa berde pero Kock cu cadena na pia.

Esaki pa motibo cu e ta para riba cu e ta inocente y cu ta Sambo a implike den e caso aki, mientras cu su chick y tata a bisa cu e tabata na cas ora di e crimen ya menciona, pues cu e tabatin un alibi durante e ora cu e crimen a sosode.

E abogado di Kock a bisa cu e ta haya cu huez por laga e caso wordo trata dia 18 di augustus mirando cu su cliente ta inocente y cu e ta pidi pa laga su cliente den libertad. Un otro sospechoso den e caso aki, Panneflek a declara cu Kock no tin nada di haci cu e caso aki.

Sinembargo, segun huez, tin testigonan cu a mira e acusado cana cu Sambo riba e anochi cu e crimen aki a sosode. Ademas segun investigacion tin suficiente prueba pa sospecha Kock di e crimen aki.

Tambe ta asina cu na KIA, Kock ta sera cu un tal St. Jago y a bisa esaki pa bisa Sambo cu e ta menase cu e lo bin regla cuenta cune. Mester bisa cu e postura di Sambo ta chikito y flaco mientras cu Kock ta halto y hancra y pesey ta obvio cu Sambo tin miedo di Kock.

A laga haci investigacion den KIA y tanto Sambo y St. Jago a conta mesun storia di menasa como expresion di Kock. Durante tratamento proforma di e caso aki e victima Hodge (homber) tabata presente den sala di corte.

Hues a puntre si e kier daño di perhuicio y cu fiscal lo mustre ta con e tin cu haci pa e maltrato fisico cu e y su casa a pasa den man di e antisocialnan aki. Tambe cu e por aserca slachtofferhulp pa asina haya ayudo.

- Advertisement -

DUNA COMENTARIO

Please enter your comment!
Please enter your name here