Aruba 1 a gana Corsou y lo enfrenta Puerto Rico den e gran Final

ORANJESTAD (AAN)— Ayera anochi na Stadion Crismo Angela – Nadi Croes Ballpark a tuma lugar e encuentro di Semi Final entre e seleccionnan di Aruba 1 contra di Seleccion di Corsou, un encuentro cu a bai basta cera pero Aruba a sa di resulta victorioso ganando cu score di 3-0.
E team di Corsow a duna nos seleccion basta dolor di cabes pa busca e victoria, sin embargo nos muchanan a sa di purba di mantene e bentaha cortico ariba nan contrincantenan. Awe tardi 5:30 p.m lo tin e encuentro pa defini e di 3 y di 4 lugar di e campeonato cual lo bai ta entre e seleccionnan di Panama contra di Seleccion di Corsou y pa 7:30 p.m, lo continua cu e gran final di e campeonato entre e seleccionnan di Aruba 1 contra di e seleccion Boricua, Puerto Rico.