Aruba a gana su prome wega na Puerto Rico derotando St. Croix 17-0
ORANJESTAD (AAN)— For di Humacao, Puerto Rico nos a ricibi e informacion di e prome encuentro di nos Seleccion Little League, cu mester a enfrenta e team di St. Croix, ganando cu score di 17-0. Aruba na su turno na bate den top di prome inning, a anota 3 careda , pero den top di inning #2, St. Croix a cera e chensnan pa Aruba por a score careda. Den top di Inning #3, Aruba a bolbe score 4 careda mas y dos careda mas den top di inning #4 y den top di inning #5, Aruba a cera e wega aki cu broche di oro 8 coredor mas na Home pa un total di 17 careda pa Aruba y ningun careda pa St. Croix.
Pitcher ganador tabata Gillian Wernet y Pitcher perdedor tabata Sergio Sintiago. E mihor bateadornan di Aruba tabata Sharif Arends 3-3, Gillian Wernet 4-2, Jeandrick Oduber 3-2 y Jair Solano 3-2 mientras cu pa St. Croix e mihor bateador tabata Jordan Ramos.
E siguiente wega di Aruba ta awetardi 4’or, Aruba lo bai enfrenta e campeon di Puerto Rico, esta “Manati”, a la vez nos ta invita un y tur pa sintoniza e wega aki cu lo bai ta den cadena entre 1270 AM y 107.5 FM.
Aruba a cai den Poole A, cual ta forma pa Puerto Rico 1, St. Maarten, St. Croix, Aruba y Bonaire, mientras cu e Poole B ta forma pa Puerto Rico 2, Corsow, Republica Dominicana, Cayman Islands y St. Thomas. E prome 2 di cada Poole lo sigui pa e ronda final.
Ayera Corsow a perde contra Pto. Rico 2 cu e score di 9-1. Den bon pitcheo ambos banda te cu den di 4 inning; despues cu awa cu cuminsa cai, a cambia tur e aspecto di un bon wega. Republica Dominicano a gana grandi di Cayman Island cu ta debuta den un Latino Americano.
Pues Dialuna pa 4 or sintonisa e radio di deporte 1270 AM y 107.5 FM pa otro transmicion cu Luigi Bergen, Felix Solano y Alex Falconi.
