Atletanan di Aruba a bin cu resultadonan satisfactorio
ORANJESTAD (AAN) – -Dianan 26 y 27 June utlimo Arubaanse Atletiek Bond a viahe cu 6 atleta y 2 coach pa competi na e Dutch Caribbean cu a tuma lugar na Curacao.E Atletanan cu a forma parti di e seleccion Arubano tabata Liza Nedd, Lixandra Geerman, Quincy Breell, Jeffrey Gomez, Shakyll Lourens y Levon Brown y bond coachnan tabata Evelyn Farrell y Kenneth Lucas.Tabata tin un totaal di 195 atleta di Curacao, Aruba, Dominica, St. maarten, Greneda, St. Eustatuis, Antigua.E evento ariba su mes tabatin mas paisnan cu a participa y e nivel tabata halto y resultadonan hopi satisfactorio especialmente e equipo di relevo nan unda nan a kibra e record national di Aruba na e evento aki.
Quincy a bolbe trece cas e promer puesto den bula leu y cu the best personal record den menos di 4 luna cu un bula di 6.86m. den 100m y 200m Quincy a bay final y a trece cas medaya di brons y den esaki tambe a kibra su mes un PR Den salto halto tambe el a trece cas e di 3 puesto cu ta brons 1.85m Shakyll y Jeffrey ambos a bay final den 100 y 200m y a logra di 4 y di 5 puesto…
Den relevo e jovennan a sa di mustra Curacao cu nan tey y a logra e di dos puesto den relevo treciendo cas e silver despues di 8 aña. E equipo tabata lo siguiente Shakyll, Quincy, Levon y Jeffrey tremendo bataya. Un pabien ta bay na nan coach Evelyn Farrell cu no a give up di tin un team national den relevo…
Lisa Nedd y Lixandra Geerman ta nos futuro estreyanan y cu tambe a duna no solamente Curaçao pero tur otro paisnan cu a participa un tremendo bataya mirando cu ta nan promer biaha cu nan a tuma parti na e Dutch Caribbean..Un pabien tambe na Coach Kenneth Lucas.
