Brazil Taekwondo Stichting a tene su di dos Club Kampioenschappen.
ORANJESTAD (AAN)— Dialuna ultimo Brazil Taekwondo Stichting a tene su di dos Club Kampioenschappen. E luna aki tabata tin otro gay ta cantando; den e chikitonan Nigel Geerman a bin raso e biaha aki ganando for di Justin Ras y Mark Giel, awor cu esaki ta e di dos Club Kampioenschappen e muchanan cu normalmente no ta competi den campeonato lo haci esaki despues cu nan custuma cu e sistema electronico di bringa awor lo bay den campeonato. Tambe nos tin Jeandrick Gumbs ta bin ta ganando for di Glenn Junior Werleman 1-0 den sudden dead, aki por mira cu cos ta cambiando entre e chikitonan. Jessica Werleman a bin ta gana for di Jennifer Werleman cu un score di 2-1, mientras cu Rianne Dabian a gana for di Jessica 3-0. Den e juniorennan Clifford Rasmijn a gana for di Juliaan Rustveld cu un score di 5-3. Luna pasa Juliaan Rustveld a gana tur su peleannan y awor a bin ta perde so, aki por mira hopi claro cu luna pasa tabata tin otro ganadornan y awor cos a cambia.
Na tur nos Club Kampioenschappen ta ser usa e sistema electronico Daedo. Esaki ta e ultimo evento di bringa pa e muchanan te dia cu nan bay Miami pa e camp training cerca Juan Moreno. E kampioenschap ta cuminsa bek awor na Augustus despues di e Aruba Caribbean Cargo campeonato cu ta dia 21 di Augustus 2010. Cada luna e muchanan lo bringa contra di otro pa wak kende lo ta e ganador maximo. Cada luna lo suma e puntonan pa asina wak kende lo ta e ganador maximo fin di aña. Aki bounan ta e resultadonan di e 2do Club Kampioenschap
5 – 8 aña
Nigel Ras vs Justin Ras 3-2
Nigel Geerman vs Mark Giel 11-2
Jeandrick Gumbs vs Glenn Junior Werleman 3-2
Jeandrick Gumbs vs Mark Croes 4-0
Glenn Junior Werleman vs Kendrick Lacle 5-1
9-13 aña
David Lont vs Mario Jaime 3-0
10-13 aña damas
Rianne Dabian vs Jessica Werleman 3-0
Jennifer werleman vs Rianne Dabian 6-0
Jessica Werleman vs Jennifer Werleman 2-1
Junioren nan 14-17 aña
Genlo Wever vs Alex Ridderstap 9-0
Clifford Rasmijn vs Juliaan Rustveld 5-3
Brazil Taekwondo Stichting ta felicita tur e ganadornan di e luna aki. Tambe nos kier a avisa tur hende cu nos car wash pa recuada fondo ta dia 11 di Juli 2010, pa asina nos por cera e cuenta pa e muchanan bay Miami pa e camp training cerca Juan Moreno e trainer maximo di Merca.
E Powerade Cup di dia 2 di Oktober 2010 ta birando mas grandi cu interes di Frans Guyana y Trinidad & Tobago. E ultimo qualification pa e Powerade Cup pa e atletanan di Aruba ta dia 21 di Augustus 2010 cu ta Aruba Caribbean Cargo Taekwondo Cup cu lo tuma lugar na Joe Laveist Sport Park.
