Home Policial Chollernan a tuma taxista cabez abao

Chollernan a tuma taxista cabez abao

0
0
SHARE
- Advertisement -

Policial“Lel” Banfield a cay den man di polis
ORANJESTAD.(AAN); — Cu masha atencion a tuma nota di un informe policial pa e manera di opera di un set di choller con nan ta tuma– den e caso aki– un taxista cabez abao. Na varios ocacion ta wordo scucha cu choller ta yiunan di mama cu tata y ta hende nan ta, ademas cu nan no sa kico nan ta haciendo y cu droga tin nan cerebro tur tolondra. Pero e siguiente version por conclui ta kende ta tuma kende hasi. Den marduga pa 3’or y 30 un taxista a pidi asistencia di polis na haltura di Cirkle K. Segun e taxista di inicialnan A.G. e tabaa den cercania di Cirkle K. y a dicidi di baha pa cumpra algo.
Ora e tabata canando bek pa su auto el a bin descubri cu nan a bay cu su cartera den cual e tin su carchi di AZV y su identificacion (ID). E tabata para na e sitio y a wordo acerca pa un choller cu a bise pa bay cune Bushiri pa busca su cartera cerca un tal “Lel”(conoci pa polis como Banfield).

Ora a yega Bushiri e conocido choller Wendy a subi den e taxi y a notifica cu e tal “Lel” a bay cerca un tal choller Ingrid y ey nan lo papia cu e tal “Lel” pa asina e taxista por haya su cartera.
Ora a yega cerca e tal Ingrid, e tal “Lel“ no tabata tey mas . E lo a hala bay.

E choller Wendy lo a bin cu un idea di fantasia y a puntra e taxista ta cuanto placa e lo dune pa haya su cartera bek. E contesta di e taxista tabata cu e lo dune algo. E choller cu tabata sinta patras den e taxi a rek su man hinca den saco di camisa di e taxista y saca e suma di 120 dollar.
Tanto choller Wendy y e choller sinta na grandi patras den e taxi, a la “Al Capon” a baha bay laga e taxista planta cu su problema.

Asina tambe e taxista a perde saco y cangreu pa a drenta den aventura di poco choller cu ta operando a la mafia riba e pida baranca aki y tuma hende hasi, dalnan cabez abao. En berdad nan ta yiunan di mama y ta hende nan ta.

E Novela di e tal “Lel” no a termina ya cu tin su continuacion. Mientras tanto den transcurso di diadomingo anochi, patruya di Oranjestad tabata pasando den cercania di Royal Plaza y polis ta observa cu aparato di telefon a wordo destrui.

Y tur carchi di 10 dollar a desaparece for di e aparato. Patruya despues di a tuma nota di e caso a sigui nan ruta y nan a topa e conocido “Lel” riba bicicleta sin luz . Mesora polis a logra pare.
Polis a nota cu “Lel” tin un obheto cu su punto ta sali for di su saco patras di su carson.
A puntre si acaso e tin cuchiu y “Lel” a confirma cu e tin cuchiu y a saca esaki.

Pero ora el a saca e cuchiu un cantidad of tur carchi di telefon, cada un cu balor di 10 dollar a cay na suela. Polis no a vacila y a detene choller “Lel”, mihor conoci como Banfield, per direct y a confisca e arma blanco y tur e carchinan di telefon como evidencia.

- Advertisement -

DUNA COMENTARIO

Please enter your comment!
Please enter your name here