Cliente mes ta yama Elmar pa raporta su consumo mensual pero ariba recibo ta otro numbernan ta aparece
Reclamo encuanto lesamento di meter di coriente
ORANJESTAD (AAN): Un persona a yama redaccion di DIARIO y cu hopi indignacion a señala cu ya caba pa varios luna e ta wordo confronta cu cobranzanan cu no ta cuadra cu locual el a consumi na coriente. Segun reaccion, ta asina cu tur luna e ta yamando ELMAR pa raporta e lesamento di su meter. E persona aki no ta confia e lesador di meter ya cu segun e, e ta pone skirbi loke e kier y no loke realmente e meter ta indica. E senora aki a señala cu e ta un persona cu ta biba den cas di pueblo y su placa no ta yega pa paga e tantisimo placa cu e tin cu paga na awa y coriente.
A agrega cu dia 27 di luna e ta yama Elmar pa via computer, e persona encarga na Elmar tuma nota di su consumo mensual. Tur ora nan ta pone esaki fout, a bisa.
Pa colmo, e persona cu pasa controla ta skirbi e number cu e kier y e ta haci un diferencia masha grandi den su consumo y den loke e tin cu paga.
Su cobranza di coriente atrobe a bin hopi halto, a splica, pero e no sa pa ki motibo Elmar ta insisti den pone un number cu no ta cuadra cu locual el a indica. “Por ta e lesador di meter ta haya interes riba dje?”, e señora a manifesta.
Bok
E storiaki ta berdad. A nos tambe ta tuma nos meter cada mes. Hasta cu mi tin riba excel 2 metingen nota. uno di nos y otro cu Elmar ta pone. Nunca e ta cuadra y nan ta cobra di mas. Y nos tin 3 differente meter. Ora di crrigeer nos no ta hanja placa back.