Home General Delta Airlines ta expande servicio pa Aruba

Delta Airlines ta expande servicio pa Aruba

0
0
SHARE
- Advertisement -

deltaLa Guardia lo ricibi servicio seminal adicional den e temporada di winter
ORANJESTAD (AAN): Bon noticia pa Aruba! DIARIO a haya sa for di Aruba Airport Authority N.V., cu nan a ricibi informacion for di Delta Airlines cu desde 18 di December, 2010 pa 30 di April 2011, e servicio aereo pa Aruba lo worde expandi cu servicio semanal for di aeropuerto La Guardia.
E servicio aki lo ta riba diasabra solamente y Delta ta plania pa usa avionnan tipo B737-800 cu comodamente ta acomoda 16 pasahero den business class y 144 den economy class. E buelonan lo sali for di New York su aeropuerto La Guardia 10:36 di mainta y lo yega Aruba 5:30 di atardi.

Delta Airlines su expanshon di servicio pa Aruba ta cuadra cu AAA su enfoke riba diversificashon den nos gatewaynan y AAA ta kere cu e servicio di Delta ta complimenta Continental Airlines su servicio for di La Guardia. Continental ta usa e mesun tipo di avionnan y ta yega 1:19 di merdia.

“Nos ta contento cu e aumento di Delta Airlines su compromiso pa Aruba. New York ta un mercado hopi importante pa e destinacion y servicio for di tur 3 aeropuerto ta vital pa e exito den e area Noreste” asina Peter Steinmetz, Managing Director di AAA a bisa. “Nos ta spera anciosamente pa yama bonbini na e prome di varios buelo for di La Guardia door di Delta Airlines

- Advertisement -

DUNA COMENTARIO

Please enter your comment!
Please enter your name here