Dirigente Deportivo Argentino tambe di vakantie na Aruba
Despues di a participa den Copa Mundial na Sudafrica
ORANJESTAD (AAN): Actualmente ta na Aruba cu vakantie diferente hungador di e team di futbol hulandes cu a representa Hulanda dignamente durante e Copa Mundial di Futbol.
DIARIO tambe a haya sa cu tin un dirigente di futbol argentino cu ta di vakantie na Aruba. Ta trata akinan di Carlos Portell, actual presidente di Club Atlético Banfield desde aña 1998.
Portell a bay Sudafrica cu e team di Argentina y segun indicacion, actualmente e ta na Aruba cu vakantie. Nos ta desea Sr. Portell “Una feliz vacacion en Aruba”.
