Home General Edad di pension pa Minister y Parlamentario lo bira 60 aña

Edad di pension pa Minister y Parlamentario lo bira 60 aña

2
0
SHARE
- Advertisement -

Ley lo bay Parlamento, segun mr. Mike Eman:
ORANJESTAD (AAN) — Prome Minister mr. Mike Eman a señala, den entrevista cu nos redaccion, cu fondo di pension (APFA) ta un asunto cu no por wanta mas te ora otro gobierno sinta, ya cu e ta den un situacion cu awor mes no por worde carga, menos un proximo gobierno. “ Nos mes no por maneha e situacion pasobra pa nos por cumpli, y AFPA corectamente ta exigi nos pa cumpli, e suma cu tin cu manda pa e fondo di pension, gobierno no tine.

Nos tabata tin un deficit di 150 miyon den 2010, den cual tabata tin 210 miyon menos den e presupuesto, y sumando tur dos nos ta na 360 miyon Florin, y esey ta e realidad pa 2011, pasobra nos no tin e 210 miyon di Valero. Den e cuadro aki nos ta mirando tur e retonan cu tin pa Pais Aruba”, e dignatario a señala.

No obstante, gobierno ta sinti cu door di e inversionnan cu ta bay tin durante e añanan cu ta bin, e economia cu nan ta bay percura pa stimula, y apertura di Valero back, lo haci cu poco, poco e entradanan di gobierno ta bay mehora, y e perspectivanan economico-social di nos pais tambe, pero na e momentonan aki Aruba ta pasando den un situacion hopi dificil.

Premier Eman a señala cu pa 2013 gobierno tin poni un presupuesto no balansa, cu deficit ta cero. Pero e margen internacional ta 3% di e DGP, y esey gobierno ta pone como meta pa traha riba dje.

Aworaki e deficit ta rond di casi 6% di e DGP, cu ta doble di e standard internacional, y pa 2013 gobierno tin e meta di yega na 3%, locual ta nifica cu nos economia mester bay crece, gobierno tin cu corta gasto unda cu por, y na unda por reparti e tambe hustamente cu no un grupo so ta carga e dolor, pero conhuntamente mester mira kico por haci.

Prioridad di gobierno ta, hunto cu cambionan di ley cu gobierno a manda pa Parlamento, ta bay tambe e cambio di ley pa cu e posicion huridico di Minister y Parlamentarionan, cu nan edad di pension ta bira 60 aña for di 2011, y tambe ahuste lo worde haci riba overbruggentoelage, cu ta un derecho cu nan tin, pero cu ta excesonan cu Gabinete Eman 1 no ta kere cu ta corecto y cu nan no ta tume tampoco, aunke tin politico cu a tume den pasado y tin cu lo tume den futuro si no ta cambia e leynan aki.

“ Nos a compromete nos mes na cambia e leynan aki, pa nos comunidad sinti cu cada persona cu ta carga responsabilidad den gobierno of den parlamento, tey pa sirbi e interes general di e pais aki y no pa e compensacion financiero cu ta bin cu e posicion”, Premier Eman a remarca.

- Advertisement -

DUNA COMENTARIO

Please enter your comment!
Please enter your name here