Home Estilo Embahador di bon boluntad na Aruba Beach Club

Embahador di bon boluntad na Aruba Beach Club

4
0
SHARE
- Advertisement -

arubabeach1ORANJESTAD (AAN): Recientemente, Señores Mary Ann & Robert McLane como tambe Señora Barbara Jean Stibler a worde honra como Embahador di bon voluntad di Aruba, como tambe Señora Jeanne Nickersonn a worde honra como huésped distingui pa e isla di Aruba. E pareha McLane tin 25 aña consecutivo bishitando Aruba mientras cu e Señora Stibler tin 20 aña consecutivo ta bishitando Aruba.

E Señora Stibler a haci su prome visita 42 aña pasa y a bisa di a wak tur e cambio nan cu a worde haci durante e transcurso di e e aña nan y ta contento con Aruba a desaroya. E Señora Nickerson tin 10 aña consecutivo bishitando nos dushi isla.

E acto di entrega a tuma lugar na Aruba Beach Club, e hotel unda nan ta hospedando. E pareha nan aki a bishita varios destinacionan rond di mundo y semper a considera Aruba como e number un.

Tambe nan a comenta cu Aruba ta nan di dos cas y un di e motibonan pa cual nan ta bin back tur aña ta pa nos hendenan amabel, hospitalario y tambe pa e seguridad cu ta reina na e pida baranca aki.

Nan a trece diferente famia y amistades den transcurso di añanan pa asina nan tambe por sera conoci cu e paraiso Aruba. Presente tabata Señora Moraima Giel, representante di Aruba Beach Club como tambe Rayon Koolman, reprsentante di Directie Toerisme.

- Advertisement -

DUNA COMENTARIO

Please enter your comment!
Please enter your name here