Final di campeonato di CPLA y recordatorio pa wega di Diasabra awor
ORANJESTAD (AAN)— Diadomingo Ultimo esta dia 27 Juni e team di Marlins Rookie A, a titula campeon invicto. Despues di a clasifica na prome lugar, Marlins a titla campeon invicto den nos campeonato 2010; Marlins a hunga best of 5 contra e team di White Sharks, aki nan a derota e team di White Shark 3 wega sigui pa asina titula campeon. Un pabien ta bai na prome lugar e muchanan, sigui pa e Manager Angelo di Marlins y su coachnan, tambe nos kier a felicita e team di White Sharks pa e titulo di Sub-campeon, un pabien tambe na e muchanan sin laga afor e manager Dyron y su coaching staf. Tambe CLPA kier a gradici e fanaticonan cu a bin apoya e muchanan masal, un gradicimento tambe ta bai na nos medionan di prensa. Despues di entregamento di premio a sigui cu e partido, Stars vs SN Rangers, aki SN Ranger a titula campeon den e categoria Rookies AA 7-8. SN Ranger tambe a hunga best of 5 y aki nan a bin gana 3 wega tras di otro.
Tambe un pabien grandi ta bai nan e Managernan di ambos team cu ta Rincones di Stars y Chong di SN Rangers sin laga afor nan coaching staf y fanaticonan.
Diasabra awor lo tin e partido di 9-10, caminda cu Star lo ta enfrentando e team di PMC Ranger, e serie aki ta 2-1 na favor di Stars, despues di e wega aki lo tin 2 wega di All Star den e categoria 5-6 y 7-8, esaki ta e preparacion di e seleccionnan cu o ta sali den luna di November pa Maracaibo, dus diasabra awor nos ta spera tur hende pa 9or na veld di Caribe pa apoya nos muchanan.
