Giovanni Heyliger a bay cu e di tres premio di Bogota Open
Den deporte di Tiro IPSC
ORANJESTAD (AAN)— Dia 29 di Juni pa 6 di Juli a tuma lugar e competencia di tiro practico IPSC, Bogota Open. E competencia tabata fuerte y Sr. Giovanni Heyliger a logra bay cu e di tres lugar den e categoria di standard, cu e logro aki awor Sr. Heyliger ta bay entrena mas duro pa e competencia na luna di Oktober cu lo tuma lugar na Argentina y esun na luna di November cu lo tuma lugar na Medellin.
Sr. Heyliger kier gradici su patrocinadornan cu a haci su participacion posibel y tur otro cu por a yuda di un manera of otro, danki pa boso respaldo y spera cu lo keda asina den futuro.
