Home General Grupo di 200 trahador estranhero lo a bin traha pa Valero

Grupo di 200 trahador estranhero lo a bin traha pa Valero

1
1
SHARE
- Advertisement -

trahadorvaleroMientras grupo di ex-empleado di contratista y sin trabao ta para pafo di Valero
ORANJESTAD (AAN):— Pa algun dia caba un grupo di mas o menos 30 persona sin trabao y ex-empleado di contratista ta para pafor di Valero pa spera trabao of pa mira kico lo bay pasa cu nan. Tur dia nan ta wordo pidi pa warda pero te dia di awe no tin nada concreto kico nan situacion lo ta. Segun e vocero di e grupo aki sr. Jose Moreno . e grupo ta conta cu 30 persona kendenan tabata traha na diferente contratista cu tabata traha na Valero. En total nan tin como 15 dia di ta bin para tur dia despues cu nan a wordo informa cu actualmente tin un grupo di 200 persona kedando na Sero Colorado y cu ta traha den e refineria Valero.
E grupo di 30 persona aki ta un grupo di local, personanan cu permiso y otronan cu tin firma liber. Loke nan tin entendi di tanto Valero y gobernantenan ta cu localnan ta bin prome cu trahador stranhero y awor nan ta tende cu tin trahador stranhero cu a bin traha y e grupo aki ta wordo ignora tur dia pa Valero mientras tabata bisa cu mester di gran cantidad di trahador.

Tanto e sindicato IOWUA, Valero y gobierno a desmenti e informacion cu lo bin 200 venezolano pa traha den e refineria. Ta wordo bisa cu Aruba no tin suficiente welderdo y ta usa e pretexto aki pa importa e trahadornan.

Diario a trata di drenta den contacto cu sindicato IOWUA pero no a logra haya e presidente di e sindicato pa por a verifica e inquietud di e trahadornan aki, cu si enberdad 200 trahador di afo a wordo permiti pa traha mientras cu tin personanan local cu ta buscando trabao na e refineria. .

- Advertisement -

1 COMMENT

  1. Loque boso tin ku hasi para den porta di valero
    sinta warda e 200 trahadornan sali pa bai kas
    halanan ku skop pa nan bai nan luga bek.paso asina no por,si boso bai na nan pais pa bai traha
    kaminda na nan pais mes tin trahado nan lo hasi mes kos ku bosonan.danki

DUNA COMENTARIO

Please enter your comment!
Please enter your name here