Home Hudicial Hobennan a wordo acusa di ladronia cu violencia y usando yabi falso

Hobennan a wordo acusa di ladronia cu violencia y usando yabi falso

1
0
SHARE
- Advertisement -

JudicialORANJESTAD (AAN):– Apesar cu ayera tabata e D-day pa Hulanda den futbol na Zuid Africa, corte a trata un cantidad di caso proforma. Momento cu e prome goal a cay na fabor di Brasil, por a tende pafor di e sala e vuvuzela pa indica cu un goal a cay. E prome caso cu a wordo trata tabata di e sospechosonan RRSJ, JRC y RTW cu a wordo acusa di a comete atraco, cu ta ladronicia cu violencia, den un cas na unda a horta un tas y telefonnan celular, Ta asina ora cu e trio di e hoben, di cual uno ta menor di edad, a drenta e cas cu un cuchiu como arma a puntra e habitantenan di cas, “…placa, placa, placa… unda e placa ta…” segun fiscal.
Encuanto uso di cuchiu como arma e sospechosonan a desmenti esaki rotundamente.
E sospechosonan a wordo laga den libertad pendiente nan caso cu lo wordo trata completo dia 18 di augustus pa 1’or di merdia.

Den un otro caso, cu a wordo trata, tambe proforma, e sospechoso JJW di apenas 18 aña cu lo cumpli 19 aki un par di dia, a wordo acusa cu su so of hunto cu otronan a participa den ladronicia di computer y laptop di un persona dia 20 di April.

Tambe el wordo acusa di intencionalmente cumpra of tuma como regalo of a transporta, warda of sconde a fin di lucro un celular procedente di ladronicia, den e periodo di 12 te 20 april. E caso lo wordo trata por completo dia 28 di october proximo pa 9’or y mey.

E huez a schors su detencion na KIA, cu e condicion di comporta su mes manera mester ta y cu e no ta bay comete otro delitonan.

Huez a evalua pa e no sinta mas castigo cu por wordo exigi p’e, apesar cu e condena por ta mas dia sera na KIA. Pues despues di yega KIA e ta wordo laga den libertad.

H.A.A., cu ta un rasta, a bin cu un modelo di cabey hopi sofistica cu un look pa e proximo siglo, el a dicidi di traha un pon pon cu casi a yega cielo pa motibo cu ta haci hopi calor.

El a wordo acusa di ladronicia di un of mas carchi di telefon y/of un caha di placa di un compania y/of un persona riba 28 di february ultimo.

El a wordo acusa tambe di usa un yabi falso pa habri un electronic Store y a bay cu articulo y caha di placa. Su caso lo wordo trata dia 28 di october proximo.

- Advertisement -

DUNA COMENTARIO

Please enter your comment!
Please enter your name here