Homber color scur ta ofrece turistanan coca y marihuana
Turistanan molestia pa bendedornan di droga
ORANJESTAD (AAN): E siguiente informe ta di spera cu autoridad combina e organizacion di hotelnan muy en particular esnan High Rise cuminsa aumenta vigilancia y instala mas camera sofistica pa garantiza seguridad di trahador di hotel y tambe bishitantenan. Diabierna mainta trempan den dia cla un individuo a acerca huesped di hotel y a ofrece pa cumpra Cocaina y Marihuana. Segun e informe cu turista di inicial S. a yama polis y reporta cu un homber color scur sin mustashi, sin barba a acerca su persona y a ofrece marihuana y coca.
E caso tin atencion y no ta prome caso cu a yega na oido di autoridad. Tin cantidad di ley cu ainda tin di worde pasa den staten pa autoridad haya e poder pa pasa cu cacho anti droga riba beach y cercania di hotelnan fuera lugarnan publico.
Den hopi otro Islanan den Caribe nan si a percura pa aumenta seguridad di bishitantenan manera ta conoci mundialmente debi na economia y pa proteha nan industria di turismo a percura pa conserva esaki.
A aumenta castigo y a tuma medida di seguridad extra pa evita malandronan no causa caida di nan pilar economico cu ta turismo, unda miles di trahadornan den sector di turismo ta depende di dje, no bira victima.
