Home Policial Mas ladronicia di koper denuncia

Mas ladronicia di koper denuncia

0
0
SHARE
- Advertisement -

PolicialORANJESTAD.(AAN); Un señora biba den bario di Brazil, a solicita presencia di polis via di central. Ultimo tempo ladron di koper a bolbe lanta cabez. Ta varios famia a bira victima di e ladronnan di coper y na varios scol tambe koper a desaparece . Tin caso cu famia a lanta mainta y a resulta cu no tin awa. O a bay averigua si ta WEB tin problema of tubo por a kibra den e bario a resulta cu esaki no ta e caso. Ta ladron a desmantela delaster tubo di koper den cura y laga e famia sin un lek di awa. Tabata dialuna mainta aparentemente e denunciante lo a lanta y a constata cu e no tin awa.
Ora cu patruya a presenta na e direccion polis a atende e señora di inicialnan M.M.. y e kier entrega keho di ladronicia. Ladron a horta casi 10 meter di tubo di koper. Awor e señora di 60 aña ta hinca den problema e tin cu bay cumpra tubonan di koper y laga un compania instala tur conexion pa asina e por tin awa atrobe na cas.

Un situacion di condena. Esnan cu ta cumpra koper tene cuenta, tin gatonan cu ta manda e material pa exterior na unda e ta wordo bendi pa famia riba mercado. Tin informacionnan cu via barco of avion e material bon scondi den caha ta wordo transporta pa cierto paisnan den nos region.

Lo ta bon pa douane tambe controla e cahanan su contenido y nan mes lo keda sorprendi cuanto artefacto ta wordo manda pa exterior y probablemente lo ta procedente di ladronicia.

A bira tempo tambe pa cuerpo di douane tambe tin un despacho pa esnan victima di ladronicia por wordo acudi cu comprobante entre otro serial, modelo, potret di e locual a wordo horta for di nan residencia of establecimento. Cuerpo di douane ta un entidad importante cu por frena cosnan horta di sali asina mas pa exterior.

- Advertisement -

DUNA COMENTARIO

Please enter your comment!
Please enter your name here