Home Politica MEP durante tratamento di presupuesto a bandona sala un biaha mas bao...

MEP durante tratamento di presupuesto a bandona sala un biaha mas bao di protesta pa cu e tratamento di e 3 leynan hunto

0
0
SHARE
- Advertisement -

varlackParlamentario señora Lorna C. Varlack
ORANJESTAD(AAN): Durante di tratamento di presupuesto di Minister Benny Sevinger fraccion di MEP a tuma e decision cu nan lo no participa na e reunion pasobra nan no tabata di acuerdo cu e 3 leynan lo worde trata hunto. Esaki ta e decision cu Señor Presidente di Parlamento drs. Paul Croes a palabra durante di un reunion central. Parlamentario Juan David Yrausquin y Parlamentario sr. Andin Bikker a splica ampliamente cu leynan asina cu ta cay bou di un capa na Hulanda p.e. ta worde trata asina y asta na Antiyas Hulandes esaki ta pasa.


Durante e ultimo lunanan mas y mas nos por wak un actitud di oposicion di fraccion di MEP cu no ta kla pa cambio y ta defende nan comportacion infantil cu e expresionnan manera: 1. E ta contra nos sistema democratico,2. E no ta usual, 3. Nos ta acomoda Gobierno, 4. Falta di respet etc. Expresionnan conoci di hendenan cu no kier acepta cambio y inovacion.

E ta un forma di resistencia cu ta algo normal principalmente ora bo a keda pega den costumbernan bieu. E ta lamentable si pasobra ora kier introduci cambio structural den un aparato e trabaonan ta bira hopi mas dificil. Nos ta spera cu Fraccion di MEP lo sinta hunto analisa, evalua y refleha riba nan actitud y regresa cu un mente habri y positivo pa cu e trabao den Parlamento.

- Advertisement -

DUNA COMENTARIO

Please enter your comment!
Please enter your name here