Home General Mester bin cu cambionan importante pa loke ta pensioen

Mester bin cu cambionan importante pa loke ta pensioen

0
0
SHARE
- Advertisement -

evelinecroesSegun Evelyn Wever Croes
ORANJESTAD(AAN): Durante conferencia di prensa di fraccion di MEP, parlamentario Evelyn Wever Croes a papia tocante e dia di pensionado cu tabata Diadomingo dia 25 di Juli. El a bisa cu pensionadonan ta esnan cu a yuda nos desaroya nos pais pa hiba nos caminda cu nos ta awe.
Tur e frutonan cu nos ta goza di dje, ta door di e trabao duro cu e pensionadonan a haci durante e temporada cu nan tabata activo. “Si nos wak back nos ta wak algun logro hopi importante, incluyendo nos Status Aparte, riba cual hendenan cu awor ta pensionado, a traha”. Esaki segun sra Wever Croes, kende a sigui bisa cu asina tambe tin pensionadonan cu a traha duro den pasado riba diversificacion di nos economia.

Esaki ta inclui hendenan cu a traha duro na hotel, den refineria, den cria y pesca etc. Bo ta mira cu e rol cu un pensionado ta hunga na Aruba tabata un rol hopi prominente y grandi. Pesey ojala tur por goza di un pensioen bon mereci.

Esaki segun parlamentario Wever Croes, kende a sigui bisa cu e realidad ta diferente sinembargo.
El a splica cu en realidad no ta tur hende ta goza di e pensioen manera cu nan merece. “Mi ta kere den e aspecto aki tin algun caminda pa cana ainda”. “Mi ta kere cu tin 3 punto hopi importante pa tene cuenta cune”.

Segun Wever Croes, e prome punto ta un fondo di pensioen general, pasobra aworaki bo ta haya cu e hendenan cu a traha den Gobierno a traha riba un pensioen, tin algun banco cu tin pensioen pa nan trahadornan, algun hotel y algun negoshi tambe tine.

Sinembargo e no ta general. Trahadornan cu yega edad di 60 aña y tin cu depende solamente riba e pensioen di behez, e por dal duro.

Un otro punto importante pa tene cuenta cune ta e hecho cu hopi biaha ora un pensionado baha cu pensioen, si a caso mes e tin un otro pensioen, e cumulacion di e dos pensioennan, ta dune debenan halto di belasting.

Pesey mester cambia e forma cu ta cobra belasting riba pensioen di behez. Un otro aspecto importante pa tene cuenta cune ta e prima di AZV. Ora cu un pensionado baha cu pensioen, e no ta paga solamente e porcion manera ora bo ta paga ora bo ta traha (un parti pabo y un parti pa bo dunador di trabao).

Ora un persona baha cu pensioen e tin cu paga full e prima y esaki ta un asunto serio, pasobra mas edad bo tin, mas bo ta haci uso di e sistema medico.

- Advertisement -

DUNA COMENTARIO

Please enter your comment!
Please enter your name here