Home General Ningun momento Minister Mike de Meza tabata envolvi den incidente pa saca...

Ningun momento Minister Mike de Meza tabata envolvi den incidente pa saca Endy Croes for di stadion

1
0
SHARE
- Advertisement -

avpmikedemezaORANJESTAD (AAN):— Diasabra ultimo durante e ultimo wega di campeonato di Little League Senior Division, den stadion di Winston a surgi un incidente na unda cu Endy Croes a keda expulsa for di stadion. Minister Mike de Meza a wordo invita pa Little League pa ta presente na ocasion di entregamento di premio despues di e wega. El a haci esaki reemplazando su colega Richard Visser kende tabata den exterior. El a wordo escolta pa organisadornan den tribuna den un seccion destina pa transmision y personanan VIP.
Aki el a keda den e seccion sera cu glas aki te ora cu el a wordo busca y escolta pa bay riba tereno despues cu Aruba a titula campeon y na unda su persona lo haci entrega di premionan.
Den e seccion aki tabatin personanan manera Eli kock, Cay Cay Willems y equipo di transmision di Canal 90 FM. Ningun momento el a haya ni chens pa papia cu polis manera ta wordo insinua sino a cuminda e polisnan y otro personan na un manera cordial.

Minister Mike de Meza ta desmenti e hecho cu el a duna cualkier instruccion pa saca Endy Croes for di stadion. Esaki el a referi na e mensahe tendicioso cu a core rond for di e hendenan di Croes.
Ningun momento so el a topa cu Endy Croes sino den representacion di gobierno a keda sinta te ora cu e mester a baha y cumpli cu su mision, esta entrega e premionan.

Ta asina cu Minister de Meza a compronde di sr. Ramon Arrindell, kende ta encarga cu e stadion den nomber di Lotto, cu enberdad tabatin un incidente.

Tabata cu despues cu dos radio emisora a reclama e hecho cu TOP FM a viola palabracionnan pa cada radio tin un crew di 3 persona manera acorda den reunionnan previo e semi final.
Y loke a pasa ta cu sr. Arrindell a topa cu Endy Croes y a notifike cu tin reclamo riba e cantidad di hende di mas den e booth.

Palabra a keda hala otro. Despues na un otro ocasion atrobe a tuma nota cu e mesun cantidad di hende tabatin den e booth e ora ey a manda yama polis pa saca e personanan cu ta di mas afor di e booth mirando cu nan ta di mas.

Despues di esaki e dos personanan esta Arrindell y Croes a topa otro casi na salida y aki Croes a pusha Arrindell y ora cu Arrindell a bisa Croes pa no pushe, Croes a bolbe pusha Arrindell atrobe y aki ta unda cu agresion a cay na tur dos banda y asina aki polis mester a intermedia y a saca tur dos for di stadion, apesar cu Arrindell ta esun cu ta e organisador principal di e campeonato pa Lotto.

Arrindell a dal Croes momento cu el a wordo provoca pa Croes na dos ocasion pushando e.
Segun Minister de Meza e ta lamenta cu e incidente aki a tuma lugar dilanti di fanaticada cu den nan tin mucha.

Y ta bisa cu esaki por a wordo evita si a cumpli cu peticion di organisadornan manera acorda algun dia prome sin insulto y tiramento di palabra pasobra afterall e ta un encuentro deportivo y provocacion tin su consecuencianan.

- Advertisement -

DUNA COMENTARIO

Please enter your comment!
Please enter your name here