No tin nada verdad tocante 200 trahador Venezolano pa Valero
ORANJESTAD (AAN):– Diariamente tin hende cu ta para pafor di e refineria pa busca trabao of si tin chens pa drenta. Informacion ta indica cu actualmente 40% di e forza laboral cu a bay cas momento cu Valero a anuncia e ciere ta na trabao. Tin un grupo cu ta para pafor di e refineria ta insinua cu tin un grupo di 200 trahador procedente di Venezuela lo ta kedando den Colony.
E informacion aki no ta corecto y te ainda no a manda busca ningun trahador. Esaki a wordo comproba pa e Departamento di Labor.
E tipo di informacionnan aki ta tendencioso y ta trece intrankilidad bao di e trahadornan sin tin nodi. Ademas te ainda tin oferta pa e diferente trabaonan cu tin cu wordo haci relaciona cu e turn around grandi cu lo cuminsa y termina na September proximo.
E proceso pa recluta trahador no ta asina facil pa motibo cu prome cu subi tereno di trabao tin dos dia di orientacion y tambe mester sigui un curso encuanto safety. E ta parce mescos cu e grupo aki cu a sali den prensa ta hunga politica.
Ademas personanan cu pa un of otro motibo tin un record malo, sea a wordo haya cu droga den sistema durante chekeonan spontaneo of tabata envolvi den incidentenan cu a daña nan reputacion den e refineria cu ta obvio cu nan no lo bin na remarca pa trabao den e refineria. Berdad ta cu tin escases na Aruba pa loke ta welderdo.
iron man
esaki nan ta e mucha nan manda di edmond “fast fingers” croes