Archivo di July, 2010
Javier Wolter
Mester mara esaki sea na aumento di GDP of baha e gastonan publico
ORANJESTAD (AAN)* Segun Presidente di Assosacion di Banconan Comercial Sr. Javier Wolter, e desempleo ta algo cu sigur lo bay bira menos mirando e desaroyonan. Algo cu e relato di Banco Central a trece dilanti sigur ta e gastonan grandi den aparato gubernamental. Ta importante pa yega na un presupuesto balanza. E por ta zona facil pero na Hulanda tambe esey ta un problema. Hopi biaha e debe publico ta ser midi a base di bo GDP, Producto domestico Bruto, si ta bon e no mester core mas cu 40%. Sea bo ta baha bo gastonan of subi bo GDP, Wolter a remarca.
ORANJESTAD(AAN): Recientemente Minister di Turismo Otmar Oduber a biaha pa Colombia.
Durante un conferencia di prensa el a splica cu a reuni na embahada cu embahador y consul di Hulanda, caminda a yega nan palabracionnan di trabao a base di e decisionnan cu tin entre Prome Minister di Aruba y Minister Verhagen di Hulanda. Mientras cu Oduber tabata na Colombia el a ricibi un carta for di Prome Minister di Antillas Emily de Jong Elhage, cu a reafirma e acuerdo aki, pa e uso di e Visanan Canades, Mericano, cu por wordo uza pa Aruba, sin cu esaki a wordo uza un biaha caba.
E isla ta bon para compara cu e region
ORANJESTAD (AAN): Durante conferencia di prensa Minister di Turismo, Otmar Oduber a anuncia e cifranan di turismo pa e promer 6 lunanan di aña, cual ta mustra un crecemento di 2.6% compara cu aña anterior pa loke ta trata e cantidad di turista cu ta bishita nos isla.
E cifranan aki ta basa riba iformacionnan di Radex, SIAD, Banco Central y Oficina Central di Estadistica. Esaki ta encera cu nos a ricibi aproximadamente 10 mil turista adicional compara cu e promer 6 lunanan di 2009.
Durante su discurso di 24 di Juli, Hugo Chavez:
ORANJESTAD (AAN) — Durante su discurso pa conmemora e 227 aniversario di nacemento di Libertador Simon Bolivar, diasabra cu a pasa 24 di Juli, un biaha mas e presidente di Venezuela Hugo Chavez a denuncia cu tin “un plan internacional pa e wordo deroca”. E biaha aki el a acusa riba un supuesto desplazamento di tropanan di Merca pa Costa Rica, pa nan ta cla pa un eventual conflicto, anto segun su “hipotesis” den e estrategia aki lo forma parti e siete basenan colombiano cu e ehercito mericano por uza, mescos cu un autorizacion di 46 buke di guera di 13.000 marino cu lo wordo staciona na Costa Rica, cu reforzamento na Aruba y Curacao y ademas cu permiso di Panama pa nan wordo re-instala.
ORANJESTAD (AAN)— Diahuebs mainta e equipo di Aruba Travel Team 10U a pasa hunga nan prome wega di eliminacion na unda a enfrenta Los Halcones, durante e wega aki e wega e termina 10 – 3 pa Aruba, na unda cu e pitcher habridor tabata Eric Mendez cu durante dos inning tabata tremendo, e manager a decidi di sosega Eric Mendez pa e siguiente wega y a bini cu Jean Claude Hernandis y aki Jean Claude a domina tremendo y a termina e wega tambe.
ORANJESTAD(AAN): Diahuebs na corte a tuma lugar un caso den cual e Mericano Matthew W.P a wordo acusa di a importa un cantidad di cocaina pa Aruba. Esaki a sosode dia prome di Maart 2010. Huez a repasa procesverbal di polis di e caso aki, den cual tin para cu riba prome di Maart e homber hunto cu dos muher cu kende e tabata biahando, a wordo para na aeropuerto, ora cu nan kier a biaha pa Merca. E muhernan tabata tin un cilindro den nan vagina den cual nan tabata tin cocaina y nan a guli bolita tambe. M.P tambe a guli bolita. E homber a guli 27 bolita conteniendo 277,3 grandi cocaina y e dos muhernan a guli respectivamente 67 y 87 bolita, conteniendo 620,9 y 683,6 gram di cocaina.
ORANJESTAD.(AAN); Den transcurso di mainta a acudi na warda di polis na San Nicolas e señora di inicialnan M.S.C., pa entrega keho oficial di ladronicia y kiebra. E señora a cuminza na splica cu e tabata cu vacasion den exterior y ora el a bolbe Aruba el a haye confronta cu sorpresa desagradabel. E persona encarga pa tira bista riba su cas durante su ausencia, a bise cu dia 22 di juli pa 9’or di mainta el a bay controla e cas y a constata cu porta dilanti tabata habri y paden tabatin yen glas plama den sala.Ladron a kibra bentana, y tambe lo a pasa martiu door di dje.
Ora el a tira bista den cambernan no tabata cos di mira.
ORANJESTAD (AAN): Den temporada di mundial McDonald’s como e restaurant oficial di Copa Mundial di FIFA 2010 tambe a tene su campaña. Den e campaña aki e cliente cu cumpra un McCombo Large na cualkier un di e restaurantnan di McDonald’s tanto na Aruba como Curacao ta haya un tarheta cu dos area pa raspa. Den un di nan e cliente ta haya beneficio di productonan di McDonald’s ganando un premio instantaneo, y den e otro e ta haya un pronostico cu posibel resultado di e ultimo wega di Copa Mundial di FIFA di 2010, cu a tuma lugar na Sur Afrika dia 11 di juli 2010 ultimo.
ORANJESTAD (AAN): Awendia casi tur hende ta cana cu un telefon cellular y e ta ya parti vital di nos comunicacion diario y pa nos keda den contacto mientras nos ta “on the move”.
Nos tin e tendencia di pensa cu e ta un medio “safe” mescos cu nos telefon di cas. Pero esaki no ta corecto. E delinquentenan semper ta haya un manera pa abusa di tecnologianan. Abonado y usuarionan di cellular tur rond di mundo ta raportando cu nan ta bira victima di un estafa di marca mayor via nan telefon cellular. Un estafador ta yama un abonado of e ta manda un mensaje pa e abonado den cual e ta urgi nan pa yama back na un number internacional cu ta cuminsa cu ‘+882’ (procedente di Scandinavia) of otro number desconoci.
ORANJESTAD (AAN)* Gobierno a dicidi pa expande e dialogo social te cu final di augustus mirando cu tin temanan y asuntonan cu mester worde trata profundamente.
Den esaki tin intension pa trata e asunto di pensioenfonds APFa cu cautela y cu mas profundidad. Esaki teniendo na consideracion cu practicamente e mitad di e fondo a desaparece na man di mal maneho y e pregunta tat a con lo bay recupera e suma aki. Si ta tire riba lomba di e funcionario di gobierno of kico gobierno lo haci pa salvaguardia interes di e trahadornan di gobierno.
ORANJESTAD (AAN): Desde cu a anuncia e re-apertura di e refineria trabaonan a cuminsa al instante y asina por a cuminsa nota cu transportacionnan di ekiponan industrial den lunanan di juni y juli a tuma lugar pa refineria Valero.Na 2010 Valero su contract cu e compania cu ta suministra gas pa e unidadnan den e refineria lo termina. Pa por sigui satisface e demanda di e gas nitrogeno pa e diferente unidadnan y cumpli cu e exigencianan di calidad, confiabilidad y normanan di seguridad, Valero Aruba a scoge pa construi su propio facilidad di produccion y distribucion di gas nitrogeno.
TOPA
ORANJESTAD (AAN)* Segun Rene Bernabela di sindicato TOPA, imigracion ta causante di gastonan innecesario pa AZV. Mester pone pa condicion di trabao cu e trahador cu ta bin di exterior, e doño di trabao mester paga un seguro priva pe. No por ta asina segun sr. Bernabela cu e trahador for di exterior ta bin pa un tempo pa traha na Aruba y inmediatamente por haci uso di seguro general AZV. Esaki no ta cuadra mirando cu no sa si e persona aki por tin enfermedad latent. Mescos cu e animeermeisjesnan cu nan ta bin cu nan thorax y otro rekisito medico y prome cu bay traha ta worde rigurosamente examina atrobe, asina ey mester por haci cu tur otro trahador cu ta bin for di exterior.
Pregunta awor ta si S.d.U. tin derecho di existencia?
ORANJESTAD (AAN):— Cuatro sindicato a distancia nan mes di S.d.U y a lag e pregunta awor cu si S.d.U. tin derecho di existencia ainda.Relaciona cu e dialogo social cu ta tumando lugar, desacuerdo riba diferente punto y issue a bira conoci.Entre otro pa loke ta APFA di cual funcionarionan di gobierno ta sperando riba pensioen, tin cu bin tende awor cu cos a cambia y cu probablemente despues di aporta practicamente henter nan carera awor nan lo bay ricibi menos.
Tambe loke sindicatonan TOPA, SPA, SIWA y esun di casinowezen ta cuestiona ta e hecho cu Simar via representacion di Ivo Valdez como vocero di SdU, ta forma parti di e comision di supervision y no a informa e sindicatonan cu ta representante nan di funcionarionan di gobierno cu ta den APFA.
Javier Wolter
