Papa y mama cu problema y yiu a keda sin su cacho
ORANJESTAD.(AAN): Patruya di Noord a wordo dirigi diamars anochi pa atende un caso di intermediacion na Esmeralda. Patruya a yega na e direccion y a atende e señora di 32 aña di inicialnan M.C. E señora a splica agentenan cu su ex amigo, e homber di inicialnan L.B. di 38 aña, cu ta tata di su yiu, a bay cu e mucha su cacho. M.C. tambe a agrega, cu e homber L.B. lo a skirbi mensahe riba su auto. Locual e señora a desea tabata pa polis intermedia pa e yiu haya su cacho bek ya cu e criatura tambe ta traumatiza pa e problema entre pareha cu existi basta tempo caba .
Polis despues di a scucha e version, a acerca tambe e homber L.B. cu a laga sa di lo no debolbe e cacho pasobra ta su persona a cumpre .
Mientras tanto e señora tambe a bisa di a cumpra e cacho. Pa evita mas descusion polis a recomenda e pareha pa bay entrega keho y presenta cu comprobante ken a cumpra y ken a paga pa e cacho mientras e criatura ta keda e victima di e problema di papa y mama.
