Parti di Arendsstraat lo cambia den Caya Eleuterio “Boes” Orman
ORANJESTAD (AAN): Diadomingo awor, dia 1 di Augustus 2010 den oranan di atardi, Gabinete Mike Eman ta rindi honor na e prome futbolista profesional di Aruba sr.Eleuterio “Boes” Orman, dunando e un caya na su nomber. E caya – Arendstraat – cu ta core di rotonde Eagle te cu e coneccion Avenida Alo Tromp desde prome di Augustus di e aña aki lo carga e nomber “Caya Eleuterio “Boes” Orman. Boes Orman a nace dia 20 di februari 1915. Na un edad hoben sr.Orman a cuminsa hunga futbol pa Aruba Juniors Y. Hollandia. Bishitando Curaçao Boes a sera conoci cu e ekipo di Jong Holland cu na 1942 a manda busk’e pa hunga pa nan y tabata paga su hur di cas.
Na 1946 Boes tabata parti di e ekipo Centro Deportivo Diablo Rojo di Venezuela. Despues cu e futbolista talentoso Arubiano a worde gescout pa un Venezolano el a bay hunga pa e seleccion Dos Caminos di Venezuela cu tabata pag’e e suma di 300 Bolivar pa luna.
Despues di un temporada na Venezuela Boes Orman a dicidi di bin back Aruba y a hunga aki di 1949 te cu 1954 pa tanto pa e seleccion di Aruba como tambe pa RCA y Riverplate. Na 1954 Boes a retira di futbol activo. E tempo ey e tabatin e edad di 39 aña. Boes a keda semper interesa si den wega di futbol.
Awe Boes tin e bunita edad di 95 aña y te ainda ta al tanto di loke ta pase rond di dje. E ta masha contento di tende cu Gabinete Mike Eman a sa di dune e honor grandi aki. Un caya na su nomber.
PASCUAL RAS
Mi mas cinceros congratulations na mi OMO OOM BOES. E homenahe aki ta “way overdue” pero it’s never too late.Mi ta spera cu Dios lo dunele hopi mas ania di bida i salud, jammer cu mi no ta na Aruba pa atende e honor aki pero manera semper tin personan cu POR actua den mi ausencia. Mi gradicimento ta bay pa Prome Minister di Aruba “Mike Eman” cu a actua awor cu mi OMO ta na bida. God Bless you, Prome Minister. Di Sargento Pascual Ras. Washington D.C. U.S.A.
Roslin
Mester stop cu duna caminda of edificionan nomber di hende.Bin cu nomber cu ta cuadra cu e bario. Aki 10 anja ningun di e generacion no sa ken ta ken.
Judith
Mescos cu Marcial, mi ta gradici Gabinete Mike Eman cu awor cu mi omo grandi ta na bida ta dun’e su balor c’un reconocimento pa loke ela haci pa Aruba internacionalmente y na Aruba.Pabien Boes cu e reconocimento bon mereci, ela tarda pero mas importante ela yega awor cu Boes ainda ta na bida.
PASCUAL RAS
Roslin, na prome luga mi no sa ken bo ta. Pero mi ta contesta bo remetido cu bo negatividad astuta. tur pais di mundo ta dedica caya, edificio, rivier, etz etz etz na nan cuidadano nan. aki na America especialmente tin e bon ejemplo ei di dedica monumento na nan soldaat nan, nos mes e soldaat nan cu a bringa den e guera di Viet Nam tin un monumento pa nos mortonan aki nan den Washington D.C. i aki nan 100 ania ainda e Americano nan ta corda nan. Dont be so ignorant and negative. Si no ta pa nos biewnan nos no taki awe den e mundo aki. Danki Judith pa bo contestacion tambe. Sargento: Pascual Marcial Ras, pensionado di Army di EEUU. Washington D.C. U.S.A