Pelicula riba Joran van der Sloot, filma na Aruba entre april y juni
*Premiere di e pelicula ta bay ta na 2011
ORANJESTAD (AAN): Actornan Robert de Hoog y Hanna Verboom ta bay hunga e papelnan principal den un pelicula basa riba parti di e bida di Joran van der Sloot. Esaki segun director di pelicula Paul Ruven. Den e pelicula cu ta bay worde yama “Me & Mr. Jones” e idioma ta bay ta Ingles. E pelicula ta conta un storia di ficcion tocante un periodista undercover (de Hoog), kende 5 aña despues di desaparicion di Natalee Holloway ta bay cuminza un buskeda.
Su speranza ta pa logra haya pistanan clave door di kibra drenta cas di van der Sloot y ora e drenta e ta haci un descubrimento increibel. Verboom ta hunga e rol di un muher cu ta traha hunto cu de Hoog.
E pelicula a worde filma na Aruba entre April y Juni. Te hasta e parti unda cu Joran a worde acusa di asesinato di Stephany Flores na Peru, ta worde incorpora den e pelicula.
Intencion ta pa Me & Mr Jones bay den premiere na comienzo di 2011.
Caren
Grabashon a wordu haci scondi segun un courant Hulandes. Esey kier meen cu Hulandes Europeo no tin mester di werk y/o verblijf vergunning pa traha pelicula na Aruba? De ene z’n dood is de andere z’n brood. Hopi hende a perde trabouw, cas, auto ora cu Aruba a wordu boycotea y nos ta bai festeha e premiere?