Problema serio den Parke Arikok ora dos atracador a ataka pareha den auto

Polis y recherche a pidi helicopter pa yuda mesora…
ORANJESTAD(AAN):– Dos Homber peligroso a ataca un pareha den Parke Nacional Arikok.
Un dama cu tabata bayendo su cas situa den Parke Nacional Arikok a bira victima di agresividad diasabra anochi. Polis a ser pidi pa duna asistencia. Den parke tin seguridad y nan a bati alarma.
Recherche y polis di Sta Cruz a bai mesora na e sitio. Na yegada nan a topa cu e victima cu a splica cu dos homber bisti na blauw a acerke y pidie pa su ID. Den e pidimento aki parce algo a bai robez.
E señora a ser agredi pa e supuesto miembronan falso di Warda Nos Costa. Nan a troce su man y e tabata sinti basta dolor. Ambulance a ser pidi pa presenta na e sitio. Nan a atende cu e señora.
Ademas di dolor e tabata un poco spanta.

Polis y recherche a dicidi cu nan ta hiba su auto warda. E señora a bisa cu e dos hombernan tabata arma. Nan a bula dilanti di e auto y manda baranca destrui e glas. El a ser gedal tambe na pecho ademas di a troce su man.

E señora tabata tin un hende mas cune den auto y el a baha atende cu e dos hombernan.
Te hasta el a cuminsa manda baranca y asina nan a core bai perde den mondi.
Polis y recherche di Sta Cruz a tende di security cu tin basta movecion straño den Parke.

A notifica helicopter di polis cu a presenta y cuminsa cu un buskeda general den e parke.
Riba e foto por mira un tiki di e situacion.