Programa di Gobernacion di AVP lo por ta mesun cos cu e plan di campaña
Lider di Fraccion di AVP: Mirando e situacion cu Aruba ta aden
ORANJESTAD (AAN): Den conferencia di prensa a puntra Rene Herde lider di e fraccion di AVP cu e fraccion di MEP a mustra cu e gobierno di AVP no tin un plan di gobernacion. Rene Herde a splica cu tin hopi cos cu a tarda. Gobierno di MEP ni un aña a presenta un plan di gobernacion. E programa di gobernacion ta bay wordo presenta na momento cu un gobierno ta haya ta bon.
E ta bay cubri e programa di tur e ministerionan, e periodo di 4 aña y probablemente ta bay bisa kico aki mas aña ta bay sosode, a agrega. Tur e elementonan aki bo ta bay haya bek.
Lo tabata bunita si e tabata cla 1 di September of e dia gobierno a sinta pa diferente motibo, entre otro e motibo cu nan a haya nan mes den e mesun situacion cu ta hopi peor cu nan a kere, a bisa.
Cosnan a tarda. Tratamento di presupuesto a tarda y nan ta lamenta esey.
Herde a expresa cu den e situacion cu Aruba ta aden e momentonan aki lo bay sigui ehecuta e plan di campaña a pie de la letra. E ta spera cu di berdad pronto por discuti esaki den parlamento y den comunidad tambe.
