Resumen di Flag Day Race 2010
ORANJESTAD (AAN)— Despues di Diabierna cu e careda nan tabata ceda interumpi cada biaha pa oildowns y mester a stop e careda pa motibo di awasero cu a cuminsa cai, Diasabra cos a cana smooth te cu pa 11:15 ya careda nan a termina. Aparte di e bon caredanan di drag cu tabata tin riba Diabierna e mihor reaction time a bai pa brommer cu Burnard Schmidt di “Most Wanted Racing” cu un reaccion perfecto na e lus di .000. Pa corona e obra Diasabra, mihor reaction time a bai pa e veterano coredor di auto Otmar Baloche Sr. di “Mito Racing” cu tambe riba un reaccion perfecto di .000 na e lus. E show di e 3 Top Gun nan a bai den e prome cu “King Kong 4” cu Pat Musi di Corsow a logra cu’n tempo di 6.71 seconde e a vence “The Judge” di Alcides Gimenez di Venezuela. Seguidamente “The Judge” a logra un tempu di 9.05 seconde pa vence “Zapato Grande 3” di Danilo Namour di Venezuela.
Por ultimo “Zapato Grande 3” a logra un tempo di 6.70 seconde y a gana di “King Kong 4” pa trese asina un triple empate entre e 3 Top Gun nan. Mirando cu tur e autonan aki mester di 1 ora y mei pa nan drecha pa bini liña bek y tambe no ta responsabel pa e vehiculonan cu ta core riba velocidad halto asina riba di 200 miya pa ora no core mas laat cu 12:30 di marduga.
A bai na usa pagina 5 di e buki di regla caminda e mihor E.T., Elapsed Time, ta bai cu e premio maximo, asina “Zapato Grande 3” cu a core 6.70 seconde a bira e ganador. Aparte di e coredornan di Venezuela y Boneiro, a bini tambe hunto Pat Musi un coredor mas di Merca cu ta Victor Gothay cu a core un brommer di Corsow.
Comision Organisador ta manda palabra di forsa pa team Suki, cu Diabierna anochi ora cu careda a caba, e brommer “Monster Busa” di Steven Soeterboek a kima casi completo. Ta spera pronto recuperacion pa Steven Soeterboek y tambe sperando cu e team di “Suki Racing” lo ta bek riba pista.
